股市雜聲多, 更要保持冷靜

這個月股市大升, 各路精英都四出尋找爆升股, AH折讓股, 大家都賺過不奕樂乎, 更有”少年股神”開班授徒教人睇圖捉路, 跟大戶腳尾, 鱷口搵食, 十分有趣. 其實, 每次股市大升大跌, 報張雜誌又好, 莊家大戶基金公司又好, 總會推幾個賺得”多”的人出嚟, 估中大升的就是股神, 沽到大跌就是沽神, 然後打響個名堂, 咁就又可以多一班擁躉, 做多D生意. 至於被捧的 ”股神/沽神” 當然也名利雙收, 升價萬倍, 只是跟他們學習的”徙弟門”有幾多個可以繼續賺錢就唔知 (不是串, 是有錢人是真的唔知, 因為唔識)
在越來越複雜, 幻聽越來越多的股票市場面前, 有錢人的股票組合卻顯得越來越簡單, 現在組合內只剩下幾隻有錢人看好股票

1.      復星

2.      渣打
3.      IBM
4.      中移動

當中, 中移動是會因應期權操作經常出入, 目的是 “賺零用錢”.

在現在天天都有升升跌跌的”大時代”環境, 更要保持住一份靈靜的心態面對. 老實講, 有錢人眼見很多自己沒有買的股票大升特升, 心裡面都會心動不如入返多少, 賺下升幅吧. 但這時就更要理性地想, 如果唔係咁樣爆升, 自己會否在呢個位買入先? 而自己的部處對比起”改變策略”又會否好輸蝕好無把握呢? 經過一輪心戰之後, 才可以慢慢 (是慢慢)繼續笑看風雲. 始終, 搏一搏, 無頻撲的心態不時都會出現, 每次都是心戰時刻, 經常要提醒自己. 現在自己的策略, 是為十年八載之後變有錢人而做的, 不是為一朝富貴, 故須卧薪嘗膽, 刻己勞心.

希望大家都會在開心賺錢同時, 保持自己的清醒, 不要因勝利衝昏頭腦, 共勉之.