有錢人之所有廣告收入, 將全數捐予慈善團體

2013年2月2日

做個有錢人之路~ 2013/02/01


今天是2013/02/01, 距離"起步" (2010/04) 已過了33個月又是時候回顧我的"有錢人之路"我的財務現況




~資產~
物業:
放租樓已賣了, 現只有一層自住樓, 約估值 465萬(施政報告一出, 估值又飛升多15萬, 有錢人已經準備又搵銀行傾下計, 又再做多次加按動作)


股票戶口:
2013/01/31 收市價計,大約總值$22
今個月股市牛皮, 而有錢人今個月的要加碼買入 57 震雄及買入 656復星; 個人認為, 短期升浪已到尾聲, 所以就算我身痕都唔入市買股票住嘞, 等到股市進入調整期, 跌落我的預算價先買都未遲, 只係....有錢就成身痕姐.....我遲早要學禪,學習如何更加"清心寡慾"

(所有買賣已經埋單及所收到的股息由開blog以來蝕左-$30,750,"減少現金");

期權戶口$37萬 (2013/01 打和咁滯)
一月份中移股價月中時一躍而下, 由月頭$91蚊邊殺落最低 $83.8水平, 無他的, 大行要殺貨就出個看淡報告再加多啲沽貨錢,個價咪應聲下跌,好衰唔衰,真係跌低過我的"貪心價" $87.5 同 $85.0, 所以有錢人唯有蝕住平左呢兩組,雖然最後股價上返 $85水平, 但我絕不後悔平倉, 因為 "底線"最終必會是救你一命的救生圈!!!

最後埋單月結, 原來唔係小勝幾千, 只係小慘勝幾百, 因為要扣手續費/稅金之類的transaction cost.

 
現金約$ 160
資產分配已經計劃好, 現金儲備想進一步減至$100萬左右, 但沒有得行動住, 因為投資目標尚未到價 (無論股/樓都未到價可以大量買入)

~負債~
樓按大約$260
私人貸款大約$40



淨資產~

($465+$22+$37+$160)-($260+$40)
 = $384
比上個月多左十幾廿萬, 主要原因都係樓市,
對比"起步"多左約$226(起步時估值為$158), 達標指數38.4% ~ :-)
目標~~有錢人希望以一千萬淨資產以作"退休生活"之用.

= = = = = = = = = =


有錢人為了擴闊自己收入圈及能力圈, 努力成為自己以外, 仲有家人, 朋友, 公司的 "投資經理", 就好似一個私人基金經理般, 幫身邊的人賺錢之餘, 也迫自己投資更謹慎, 當然, 作為一個"基金經理", 我係會 "有償工作"的.

6 則留言:

  1. 我都係成日有錢就身痕,同有錢人兄一樣都要學習如何"清心寡慾"

    回覆刪除
  2. 有錢人:

    請教你, 如何計算股票期權的 "扛捍比率"?

    不吝賜教, 謝謝。

    回覆刪除
    回覆
    1. to home tree,
      其實我唔係好明你所問的"扛桿比率"是甚麼.但一般來講,每張股票期權合約都有一個"合約值",即是一張合約要求做幾多股的買賣,例如中移動是500股(一手)一張合約,但 A50就5000股(10手)一張合約,而SHORT方係要比按金,個個行使價的按金也是天天都在變...我諗你是在問SHORT方的按金與期權金之間的比例吧?

      刪除
  3. 有錢人:

    不好意思, 我也講不清楚。請問股票期權有否 "扛捍比率" 這個參考值的? 我不知道, 是指 "期權金/按金(我明白是動態的)", 還是 "期權金/潛在成本(我是指一旦接貨要付出的真金白銀)"? 我是初學者, 現在只敢做一點 Short DOTM put 的。

    不吝賜教, 謝謝。

    回覆刪除
    回覆
    1. TO HOME TREE, 由於你是初學者,對期權運作認識也許是不太深,我希望下面的東西可以幫助你找到點啟發.

      如果你講嘅係"期權金OVER按金",又或者係"期權金OVER潛在成本",其實都唔算係甚麼扛桿,我看你可能應該先從"甚麼是扛桿"入手,以下問題希望有助你了解多點:

      1.扛桿的意思,是用少量的資金去"控制"相對大價值的資產,最簡單的例子是樓按,你放低首期,就可以去控制~住入或租出或空罝,甚或是再賣出整個物業了; 那,在股票期權的交易中,你又放低甚麼?在控制甚麼或被控制甚麼呢?

      2. 用返樓按做例子,放低3成首期,問銀行借7成,"扛桿比例"是幾多呢? 套用相同計算,做期權交易,你放低幾多資金,去控制幾多資產呢?

      3. 攪清了扛桿的含意,你就可以再想想"期權金OVER按金"是甚麼的問題, 對SHORT方來講, "期權金"是甚麼? "按金"又是甚麼? 同一問題也可以套在"期權金/潛在(買股/賣股)成本"上.

      如果你答到上面三個問題,就知道自己的"扛桿比例",與及對你現金流的潛在要求.

      另外,個人認為,如果你未弄清楚風險在那裹,或不想有不能預計的風險,最好連那少少的SHORT PUT都不要做, 投機的事,寧願賺少,不要蝕錢. 先求知, 再投資!

      意見供你參考

      刪除