愛迪生 (Thomas A. Edison)在發明電燈的過程, 曾失敗了一萬多次 , 他的朋友對他對說: "你己經失敗了一萬多次了, 還要再試嗎?"
他說, " I have not failed. I've just found 10,000 ways that won't work." (我沒失敗, 我只是成功地找到一萬條不成功的方法"
從來, 成功都是得來不易的, 有錢人最近十分忙, 為了一個project, 之前一個月, 連續兩個星期都是一個星期工作超過100小時 (連瞓覺的時間也沒有), 因為這個project的一個重要任務就是要為公司重新制定系統流程, 配合電腦系統工作, 可以說是為公司"翻箱倒籠", 現在這個project的主要framework已完成了, 進入另一階段 (又會遇到萬千個問題)
在沒有人知如何做的情況下, 就只可以摸著石頭過河, 沒有人知前路會不會是深洞, 自我鼓勵及堅持是很重要的. 也就如愛迪生的另一句名言 "Genius is one percent inspiration and ninety-nine percent perspiration. Accordingly, a "genius" is often merely a talented person who has done all of his or her homework." (所謂的天才是百分之一的靈感和百分之99的努力, 因此, "天才"常常只是一個有才華而又把該做的事做好的人.)
在我成為自己心目中的有錢人 (有錢人希望以一千萬淨資產以作"退休生活"之用.") 這條路上, 也已經 (亦是將會) 面對多重問題, 甚至錯誤, 但是, 只要沒有"失敗"的心態, 就不會倒下來!!!
共勉之!
.JPG)
非常同意閣下的理念，世人只會注意你所得到的成果，是否符合[他們所認為的成功標準]，但只有自己才能決定是否真的失敗!
回覆刪除有錢人兄，
回覆刪除我就認為失敗係一個事實,
例如投資, 輸錢係失敗, 亦係事實,
但如果能夠從失敗中學習檢討,
咁失敗中亦有所得著,
減少下次失敗既機會。
賢
另,有錢人兄, 想請教期權既問題。
回覆刪除我睇左港交所期權既簡介,
初步都知道當中既作用同風險,
然而實際操作並非太清楚。
想問買賣期權係咪一定要去證券行, 銀行可唔可以?
邊到可以睇到期權價格等??
一切都唔清楚, 可唔可以阻一阻你講解一下。
賢
其實我今日都返睇左一次有錢人兄寫期權既blog,不過好多都唔多明, 但我諗自己既大方向都係自制i kill u later.
回覆刪除賢
賢,多謝你的回應及問題;首先回應一下你對"失敗"的睇法,無對與錯,大家交流,多思考,一齊進步.你覺得失敗係一個事實, 例如投資輸錢係失敗,係用左一段時間"定生死"的角度,以股票投資為例子,巴菲特的投資也有試過虧本,咁佢又算唔算失敗? 相對應地,今天的"成功"可以是明天的失敗,你看當年羅兆輝(神童輝),勁吧,成功吧,最後呢? (其實,這一類哲學性問題/咬文嚼字的事真係講十日十夜都仲有得講)
回覆刪除又係阿媽係女人的說話 "in the long run, we all die!!"
有關期權的問題:
期權有分指數期權/股票期權/貨物期權...我之前講的就以股票期權為主,香港的銀行唔係無股票期權買賣,只不過當中的手績費貴到你唔信,也唔會用,而且佢地大部份都無得在網上自己做買賣指示,一定要打電話之類的人手操作,所以你就當一定要去證券行吧.
一般證券行都會有個software比客戶登入, 自己落order去system做trade, 其中一個叫 "sp trader", 入面已經可以睇晒不同時間/不同股票/不同行使價的期權價格,你上好多券行,或者"sharp point system"的公司網頁都有得試.
自製"i kill u later"係一種較為安全(其實是自己較易控制)的一種使用股票期權的方式,係較適合初接觸期權的人去試試身手; 但是,衍生工具是一項"對沖"工具,也可以是一種槓桿投機,一定要好好控制風險,以及要知所進退,否則... "今天的成功一定會是明天的失敗"...股票市場專收"叻仔"!!
我都係初步想了解期權多d姐,
刪除不過現階段未必會參與啦!
因為我依家某部份既投資,
係借錢返黎既,
變相已經做左少量槓桿效果。
另外最近又搵到低息既借貸,
考量再借加大槓桿效果,
不過都要計多陣清楚d先再決定。
賢
有錢人兄, 謝謝你花咁多時間回覆。
回覆刪除先講返失敗既睇法,
其實真係冇話咩準則,
有時就算贏錢都唔等於成功。
以自己其中一次經驗為例,
曾買入隻股票,
目標係中長縛,
但買入之後見佢跌左d之後橫行唔上唔落一段時間,
到後尾升返上買入價約十%賣左,
當時其業績同買入時預計差不多,大冇特別轉差,
但因自己受股價影響決定賣,
結果大半年後, 股價已經返一返。
依家睇返, 呢次雖然贏錢,但絕對係失敗。
因為我控制唔到自己既情緒, 隨便改變自己既決定,
令到回報減少,真係好錯。
但如果我一開始以短中線為目標,
同一個結果我會認為係成功。
不過,每次失敗都係學習既好機會,
檢討再為下一次既決定作一個更適合既行動。
賢