大行報告加預測 你信幾多?

最近 思捷(0330.HK)出左上年成績之後, 發現紛紛有"大行"跟手出報告降佢評級, 而相關股價預測由33.5 至55元不等, 想記錄一下其中一個報道, 以分亨心得:

 ______________________

《大行報告》里昂降思捷(0330.HK)至「沽售」，下調目標價至35元

9月 7日 星期二 15:50 更新

里昂表示，歡迎思捷(0330.HK)(0330.HK - 新聞 - 公司資料)新 任首席執行官擴張零售的新分析方法，不過，品牌確實需要廣泛的激化。兩個主要管理層任命將有幫助，但全球一致的品牌發行將要2-3年時間。短期而言，該行 相信在消費開支復甦將會延遲和利潤已見頂。由於該行預期恆指未來12個月回報有30%，因此下調思捷評級，由「跑贏大市」降至「沽售」，目標價由47元， 下調至35元。
 ______________________

回說我對上一篇關於思捷的文章 (2010/09/05) 預期思捷會在兩年之內去得返$60-$70水平, 但點解咁多大行都出報告話佢唔掂, 甚至叫大家沽呢?


其實, 當中有好多吊詭的地方可以注意:
1. 有錢人的預期, 往往都唔係一年之內的價格預期, 有錢人唔係預言家, 唔係趨勢專家, 有錢人係根據公司的基本因素以及對未來市場的預期去計算未來公司的回報, 睇嘅事主要係公司的利潤.  從而計算該公司的"未來價格"; 然而, 大行所"預測"的, 卻好多時都係較為近距離的價格, 例如一年, 最都唔會超過三年的價格, 又或是營利預測. 其實唔係佢地唔做, 而係大眾唔睇, 咁佢做左都唔會公報比你知啦, 人地要搵食嫁, 雖則佢地計算得出每間公司未來利潤預期, 但係, 多啲人買賣出入對佢地來講始終比做 "良心"公報重要, 所以佢地會不停"根據"每一日所發生的事去"預測"公司股價的"估價" ~~~ 咁啲老散咪會跟住專家預測出出入入, 佢地咪有錢賺囉


2. 有錢人的計算, 大部份都係根據公司的基本面去計算, 好少根據 "現有"的情勢去計算, 但大行報告就好多時都根據"現有"的情勢去計算, 落差自然大啦, 好似思捷咁: 有錢人會講管理層無大變動, 作風無大改變, 公司生產效率及產品都相比其競爭對手及以前的自己進步, 咁又點解會差得過"舊屎"? 不過, 大行總有理由講到有問題, 就算乜都唔變, 都只會差左... 


3. 根據環球投資之父 鄧普頓 (john templeton)的其中一個戒律: "當一百個人當中的第九十九個都放棄時, 就是最悲觀的時候" 而這時, 就是投資的最好時機 ~ 如果, 所有大行都話一間公司唔得嘅時候, 以有錢人的經驗, 這就是最有利的時機了.


雖然, 大行的報告好多時都會言過其實, 又或是刻意隱藏一些事情, 但當中卻有不少資料, 對我們了解一間公司, 甚或是理解一個行業有好大幫助.


講返思捷, 如果其股價真係好似里昂所言, 跌得到去$35以下, 咁我就真係多謝晒佢喇, 因為又可以執平貨囉!!