有錢人之所有廣告收入, 將全數捐予慈善團體

2011年10月27日

恆指期權必勝法 (一)

今個月頭, 有錢人提及到自己研究緊一套 "恆指期權必勝法", 在今個月裡面, 我就用自己的實戰買賣做實驗.

首先, 好簡單咁講下呢套所謂 "必勝法" 有幾巴閉..... 就係有90%機會賺錢, 呢個比例是從最近十一年的恆指走勢做分析的.... 當中經歷了科網爆破, 911, 美軍打阿富汗,依拉克, 沙士, 董建華腳痛, 自由行啟動, 港股直通車偷步然後胎死腹中, 有錢人結婚及生仔, 兩次選特首, 金融海嘯, 次按風暴, QE1 + QE2, 阿爺四萬億救命, QFII, CEPA.....
咁, 如何操作的呢??

a) 首先, 只買即月期指, 下月都唔買;

b) 以交易日與結算日的距離分三段: 1) 1-7日為一組, 2) 8-14日為一組, 3) 15日以上為一組;

c)  如果是15日以上, SC/ SP 價外有1200點距離,
     如果是8-14日以上, SC/ SP 價外有1000點距離,
     如果是1-14日以上, SC/ SP 價外有700點距離;

d) 每日做一個TRADE, 可以選擇做 SC/ SP, 或者兩個都做, 甚至輪住做, 但一樣嘢係要緊記嘅, 一日入面, 最多只可以做一次SC 及一次SP, 所以, 最好選擇臨收市做 (本人建議做 SC 好過 SP, 因為通常有乜災難, 個股市係會跌到無朋友, 但係大升, 好少會升到無朋友)

以上述做法, 在過去132個月之中, 其中有120個月係會賺的 (已扣手續費), 只有12個月係蝕的, 但係, 一係唔蝕, 一蝕就一般都會蝕入肉的... 講緊一個月係可以蝕幾千點, 甚至上萬點, 幾萬點的...

究其原因, 通常會蝕到無朋友者, 都不外乎幾樣嘢:
1) 超好消息不停出台, 由頭升到尾; 而且, 仲要升過龍....
2) 月頭有壞消息, 月中被好消息完完全全蓋過了;

所以, 有一樣嘢係要特別講嘅, 就係對現金的需求, 期指係要比按金嘅, 依家小期一張係 $19190 (每點$10), 大期係 $95950 (每點$50), 過往平均波幅約為1500點, 而一般要輸的時候, 上下波幅都不少於3000點. 即是, 沽一張細期, 少則要準備定 $34,000,多則就 $45,000. (大期乘5, 唔該)  先至叫做安全!!

至於今個月有錢人的成績如何? (下期再續)

沒有留言:

發佈留言