有錢人之所有廣告收入, 將全數捐予慈善團體

2012年4月7日

上車盤的買樓準備 (二)

上一篇文章 "上車盤的買樓準備 (一)" 提到, 原來依家買上車盤只要 $30萬就一定攪掂, 只是點攪$30萬而已...

在此之前, 其實更要計一樣嘢, 就係點供; 如果大家死搵爛搵幾廿萬返來買樓, 點知供兩供發現有問題供唔起, 真係連本帶利甚麼也沒有. 所以先計計自己供唔供得起再講搵首期.


如前述, 上車盤二百萬左右樓要$30萬入伙 ($23萬買樓, $7萬裝修), 如果供30年, 現行實際按揭利率大約2厘, 即是供 $6500左右, 但我地係要安全線的, 所以比多1.5厘水位, 即是3.5厘, 即是每個月要準備 $8500供樓, 再加管理差餉地租 - 當 $1000, 即是準備 $9500 - $10000就夠安全了, 如有錢剩就放在銀行當儲蓄吧.

= = = = = = = = = = =

再返去 "搵首期"呢個問題: $30萬 (最少都 $23萬), 話少唔少, 話多就更加唔算多, 真係信用卡也可以拎到出嚟, 如果大家可以做到上述供款, 即是大家只要儲兩年錢, 就已經上到車嘞.

一個月儲蓄一萬, 難嗎? 看看以下例子.
有個年青人, 月薪萬二, 伴侶月薪萬一, 加埋兩萬三, 每個月兩邊家庭(供養父母)無左8千, 如果儲蓄一萬, 即是剩下 $5千兩個人平日返工洗費, 如果慳儉點就一定夠洗了 ~ 首先就係午餐要帶飯, 返工就搭巴士.

= = = = = = = = = = =
另外一個買樓的謎思就係, 以為買左層樓就會住好耐, 以有錢人的經驗, 一般年青人買第一層樓, 通常都只會住3、5年 , 就會有能力換樓, 有錢人身邊的所有有樓人士, 買完第一層樓之後, 都係不出三年就已經諗換樓了, 此之所以, 有錢人都唔喜歡放太多錢在裝修, 如果明知自己都係住三幾年就走, 洗錢在裝修去"享受"的平均成本太貴了.

如果無能力買 $200萬樓儲 $1萬一個月, 買$150萬樓儲 $8千一個月吧, 一定又細啲又舊啲嫁嘞, 但當大家以一個較低的金額又細啲嘅壓力上車, 生活質素反而會上升的; 如果百五萬樓, 首期連洗費都係20萬有找, 月供$6000, 每月儲8千仲有$2000水位添. 記住: 你唔會同第一層樓做人世的, 玩幾年就拜拜的"玩物", 不要以一生一世的心態面對, 最緊要計好數, 唔好供死自己, 有安全線就可以去馬. 最重要係 ~~ 有無做足功課, 做好心理及財務準備.

共勉之!

2 則留言:

  1. 第一層自住樓, 只係一個踏腳石, 踏出第一步, 整個理財世界都不同了

    回覆刪除