有錢人之所有廣告收入, 將全數捐予慈善團體

2012年10月15日

賣出放租樓A

早於兩個月前 (大概是2012/08左右的時間吧) , 有錢人見樓價升得咁上下, 已經產生賣樓念頭, 當時陪朋友C睇樓時 (9月頭), 同地產經紀傾開計, 大家都認同, 我的放售價不算過份, 但市場仍有差不多的選擇, 在無得睇樓的情況下, 買家 (尤其是自用人仕)一般都不會太進取, 所以等一下 (可能三兩個月)就可以到價出售,

況且, 我是有租金正現金流的狀況, 是真正沒有得輸的. 孫子兵法有說 :"勝兵先勝而後求戰,敗兵先戰而後求勝", 在完全沒有賣出壓力的情況下, 真的是輕鬆自在.


在整個談判過程, 我的取態是, "我的索價非常合理, 銀行測量師都說275, 而我只收265, 雖然無得睇樓, 但可以交吉, 也有相片參考."

而賣家的情況是, "想細屋換大屋, 自住樓剛賣, 12月交樓, 所以一定要搵到樓買或租"

另外, 現在樓價一定是賣家市場, 無論大環境小環境佢都根本無談判權.

當然, 有錢人絕對是 "君子愛財, 取之有道, 用之有道" (自以為吧, 哈哈), 所以不會因對方的情況而殺到盡, 也會留少少"價位"比對方, 最重要是賣價也在有錢人的滿意水平, 何不給人一點甜頭~~~ 我是 "真真正正平了10萬比佢嫁" (相對估價).

在這個對比的優勢比較之下, 根本上就是有錢人控制了全個棋局.

= = = = = = = =

以下就是談判過程:

1. 相熟經紀打比有錢人, 有個自住客有興趣想買, 都係嗰啲, 問價錢有無得傾; 有錢人答, 多就一定無可能, 少少地三幾萬都會諗下;

2. 經紀回覆25x得唔得 (當然係試下價啦), 我話無可能~~~ 唔見26x唔洗諗; (心諗, 真係 "開天殺價, 落地還錢"喎);

3. 經紀話, 咁我在中間做下嘢啦;

4. 第二日下午, 經紀問260得唔得, 我同佢講, 有第二家想開268, 但我未應承佢, 因為同呢位經紀的買家傾價在先, 我同經紀講, 話雖如此, 但起碼都要實收260先有得交代啦, 大拿拿十萬八萬的差距喎;

5. 最終263 成交, 經紀怕我反口反價, 即時同買家簽約再去我度, 真係夜一夜都去, 免得夜長尿多 (我講嘅).... 現實的, 我反一反價, 可以提高十幾萬嫁喎;

= = = = = = = =

老實講, 有錢人絕對唔係談判專家, 講價專員, 也並非口齒靈利之輩, 但順勢而行, 因利成便就一定無問題. 今次買賣結果應該雙方都滿意.


   




2 則留言:

  1. 恭喜!恭喜!等待下次機會在整大個餅

    回覆刪除
  2. 對,賣收租樓就可以"先勝而後求戰", 但係賣自住樓就係"先戰而後求勝";

    收到錢後再睇下有甚麼投資機會,無的話就加大盈富計劃個餅

    回覆刪除