有錢人之所有廣告收入, 將全數捐予慈善團體

2012年11月24日

無良心業主? 可憐租客?

大概在十月的時間, 有錢人就賣出了放租樓A, 但新業主是自住的, 所以要交吉. 有錢人隨即打電話比租客H, 通知他樓A已經賣了, 成交期在12月中, 所以希望在之前收樓比新業主. 租客當時都好愕然, 有錢人為了令租客H好受點, 也希望租客H可以走得暢順點, 所以比了一些 "租頭":


1. 當provisional s and p簽左之後, 即時通知租客, 前後有差不多兩個月通知期, 比合約訂明的一個月為多;

2. 最後半個月租金免租, 好等佢唔洗預到咁"炆";

3. 如果佢早搬走, 租金就只計到佢交鎖匙嗰日; 如果佢搬唔到, 我嘗試延遲少少交樓;

另外, 我都盡量介紹了一些經紀比佢, 好讓佢可以早點找到落腳點 (但佢話我介紹比佢嘅經紀都無搵過佢喎)


雖然租客H都唔係一些賴皮的人, 佢也提早交鎖匙比返我, 但佢其實都有些怨言...

"早兩個月先話續租生約, 依家就話賣左嘞...重要得個零月就收樓了..., 攪到我失晒預算";

"我咁樣一來一回, 蝕好多呀, 洗多好多錢嫁";

"你做業主依家賣左樓, 緊係賺唔少啦, 我地做租客就可憐姐";

"如果你早兩個月通知我, 我搵樓會輕鬆少少, 但依家搵樓好難啊, 又貴, 又無盤";

"那些大陸人,樓都唔洗睇就比錢買樓嘞, 又搶貴晒啲樓..." (亂講以為係真, 吹脹. 其實層樓係賣左比一對換樓客)

租客H的心情, 有錢人絕對理解, 因為有錢人工作的公司都有不少係租返來的物業, 除了每隔一段時間就要為續租煩惱之外, 還有就係被人"迫遷"的威脅...

上述都是作為租客的"失", 但是, 一個租客, 可以唔洗比首期只係比租金就住入任何屋苑, 可以少了每個月都要供樓的壓力, 遇有失業/ 經濟問題, 其彈性是較大的; 作為租客也少了"樓價下跌"的壓力, 也沒有遇到租霸"有樓租出無租金收入"的風險. 此為業主租客的得與失, 實在是一個選擇多於情勢.

就以租客H為例, 佢起初租我的單位, 也是因為早年賣走了自住樓, 所以搵地方落腳, 也因為收租樓A的地點方便,吸引他來的. 現在有錢人把樓賣了, 要收樓了, 絕對是合情合理合法, 所以租客H只好無奈接受了.



7 則留言:

  1. 似乎佢係有D後悔, 嫌自己太早賣左層自住樓, 搵你黎發晦氣!

    回覆刪除
  2. 個租客乖乖交鎖匙比返我,聽佢呻幾句當比佢嘅"獎勵",比佢發洩下,讓佢心理上好過點,也是一種善事吧

    回覆刪除
  3. 想問下你會否扣起部分按金作為未付的電,水費等?

    回覆刪除
  4. 你已經好好人, 但一般香港人都只係諗自己。

    回覆刪除
  5. to ricky, 沒有,因為水電煤都係租客自己名申請.

    to 止凡兄,租客也算是一個好租客,大家好嚟好去;自利是人的天性,我也因為自利而賣樓,令到佢要搬屋.只要合情合法合理,自利對社會而言是有益的

    回覆刪除
  6. 你好,想請教有錢人兄定期買盈富基金的操作,入面提到根據其息率作機械式操作,那個息率喺指恒指息率還是盈富基金的?

    謝!

    回覆刪除
  7. TO KUBI MUI, 我所指的是是盈富基金的息率,計法是以對上一年所派的總派息除以現價.以現在的$22.1計,上個年度派了$0.66,即是依家係2.99%息率

    回覆刪除