大部份人都是窮人, 只有少數人是有錢人, 皆因窮人明知不進則退, 但會比自己無限個理由不進, 例如閱讀, 十之八九唔睇書的人都會同人講自己好忙, 工作好忙, 生活好忙, 每日又要點點點, 又要乜乜叉叉, 總之就係忙到有心無力去睇書啦... 有錢人講: " 廢話!! 咁攰唔好上FACEBOOK啦, 唔好打手機啦?!"
豬UP多左, 講返上述話題, 因為有錢人多左時間, 所以走去研究下啲真係有錢人, 究竟佢地的收入與支出比例大約係點嫁呢? 根據有錢人身邊的有錢人(其實數據唔多, 因為有錢人未係有好多靠自己能力賺大錢的有錢朋友), 佢地的支出一般竟然在收入的百分之五十以下, 咁當然, 佢地一般都係高薪厚祿, 可以講係收入一半都夠洗有餘, 淨返嘅就緊係儲起, 得閒低位買下股票, 又或者買下樓, 買下不同物業收租, 基本上都唔會日日管理住啲錢, 輕輕鬆鬆錢搵錢, 經年累月就成為"X"萬富翁, 而自己的生活就繼續做自己喜歡的工作.
然而, 睇返有錢人自己, 仲未去到可以輕鬆地錢搵錢, 也未去到成為"X"萬富翁的境地, 所以我只可以好努力咁去把自己裝備成有錢人, 首要任務就係要做到 SAVING RATE/ INVESTMENT RATE 大於收入的 50%. 倒轉來講, 即係消費支出不可以大於50%收入 (真係講就輕鬆, 做就失蹤.)
有錢人回看自己現在的生活及經濟狀況: 穩定的平均家庭收入都係幾萬元, 唔算係高收入, 但比上不足, 比下又有餘, 生活質素也不算差, 住在"千尺大宅", 屋仔, 車仔, 老婆仔, 囝仔 ~~ 四仔齊晒.
以有錢人的支出佔收入百分比是:
住屋相關支出 20%;
家庭支出 20%
小朋友支出 5%
有錢人夫婦個人支出 15%
即是支出佔收入大約是 60%. 有錢人不會認為自住樓係投資, 我只當呢個係消費性開支, 所以供樓的錢我就當是"燒銀紙"而已.
如果我有能力增加兩成收入, 又或者減少支出兩成, 咁我的儲蓄率就大於50%了, 就是成為"有錢人"的其中重要一步..... 再想想法子, 加油!!!!
.JPG)
有錢人:
回覆刪除你講得有道理, 我應向你學習, 謝謝。
4仔你都有哂,已經係有錢人o拉
回覆刪除ww
睇左你好些文章,俾個"讚"你,我幾年前同你都好似,不過你有計劃和勤力過我,即使今日,你架車同住緊間屋都大個我 :D
回覆刪除而家好多人所追求既財務自由,條曲線開頭好平,但只要做對,後來就會爬升得好快,以你既能力和心態,目標很快會到達,不過到時係咪真係有自由,係要睇你對慾望既控制和人生觀既成熟。
多口講句,期權呢類衍生工具不宜太依賴,有一位已退休,身家極豐厚既投行老行尊玩左超過二十年期權,投入左好多錢,時間和智力,雖然埋單計數佢玩期權都係冇蝕錢,但前兩年既結論係希望從第一日開始就冇玩過。共勉之!
老行尊玩開邊種期權?指數 ? 股票?
刪除你好，有錢人，巧合下路經貴blog
回覆刪除80後朋友既我近年想買屋自住，將來同女友成立小家庭。我有一架車，月入萬五蚊。女朋友則月入萬二蚊，只比得起二十萬首期，兩人一個月可以供款一萬蚊。
我對投資金融完全唔識，只係google search 九成按揭既時候巧合見到閣個blog
想問下你意見。
你認為我與我女朋友聯名，夠資格上車成為業主嗎？
to Name, 首先多謝你閱讀,也多謝你提問,大家交流交流.
刪除恕我直言,你月入萬五都仲要養架車,你應該唔洗養你屋企嘞喎,甚至,你與父母同住又食又拎嫁嘞喎...在香港養架車,閒閒地都要三兩千,一般返工食下飯搭車的開支又要三兩千,比下家用屋企,小則又三兩千,多則四五千,交稅呀,玩樂下又三兩千一個月,加加埋埋,你仲有錢儲蓄嗎?
講返你同女朋友, 你地有廿萬,做九成按揭的話,唔計任何洗費,都係最多買到二百萬樓,而洗費一般有地產經紀佣金萬零兩萬左右,律師費及其他稅金等就五千左右,裝修就豐儉由人,當年我買第一層樓,入住無做裝修,只係自己油油及買傢伙,入伙兩皮有找.扣埋扣埋,你地頂盡都係買到180萬左右的樓
假設問銀行借180萬30年還都要每個月都要6千幾,如果加息一厘就每個月要還多8百,兩厘千六,如此類推...未計管理費,差餉地租大廈維修,你當每月食你一千幾百.
條數就係咁計,你地加埋收入兩萬七,銀行計你最多每個月還萬一,做埋加息壓力測試都過關喎,但你自己要諗下我上面問你的問題嘞.
咁你覺得自己有無資格,同有無信心去馬呢啲問題,我就真係唔識,亦都唔想比意見了.因為這是你同你女朋友(應該是未來阿嫂)的共同決定吧
意見供你參考 (歡迎你有決定反再來話我知,大家多交流,一齊進步,做個有錢人!)
應該係"假設問銀行借180萬的9成 (即約162萬)30年..."
刪除