有錢人之所有廣告收入, 將全數捐予慈善團體

2015年7月17日

希臘的”緊縮”

有錢人看希臘的情況, 看報張雜誌的評論, 大都從不同角度宏觀地分析事件, 有錢人不懂政治, 不太認識歐洲文化, 所以只以理財觀點看這故事, 而且情況真係有點感慨.
 
如果當希臘是一個個人或者家庭, 佢每年國家GDP約為2000億歐, 政府收入約是GDP 46% - 920億歐左右 (平均每月77), 總欠債3100億歐 (無底押的), 即是希臘政府借了40個月收入的貸款. (如果以一般香港的銀行借P-LOAN, 最多都係18個月糧, 有銀行好似做到過可借40個月糧)
 
另外, 希臘的財政赤字約是GDP 3.5%, 即是70億歐赤字即是差不多佢一個月收入好似未計要還錢喎, 都已經收入少過支出
 
據知, 其實近年希臘政府都已經努力緊縮” (詳情可以睇: http://www.hkcd.com.hk/content/2015-07/15/content_3470544.htm) , 但努力了都未能有盈餘, 呢個亦係債主同債仔的基本分岐:
 
債主話理得你有無得食, 借左錢就要還 ~ 債仔就話我無得食死鬼左都無錢還, 一拍兩散姐, 而且我呢幾年都交出誠意啦, 大家退一步, 唔好迫死我好喎
 
可惜的是, 呢個債仔太, GDP 2000億歐 ~ 即是香港的GDP 咁上下囉, 如果咁樣比佢玩嘢成功, 咁之後意大利/ 西班牙/ 葡萄牙, 仲有法國又有樣學樣就大大大獲. D大債國, 債務上萬億嫁嘛.  德國, 無論以老大身份又好, 債主(最大份額)身份都好就緊係唔肯過你. 玩嘢?? 由上年9月無最新援助開始做好準備, 到今次談判, 佢一步都無退, 沒有最強硬, 只有更強硬. 殺雞儆猴也.
 
上述數據, 全在網上找返來的, 如與現實不附, 敬請原諒.
 
返嚟我地嘅生活, 如果借左銀行錢, 無錢還, 我地可以:
 
1.      新債還舊債, 延長壽命 ~ 賺取時間去增加收入, 慢慢還清債務; 但一定要認清楚, 新債還舊債的作用唔係清債, 而係賺時間”, 如果好似希臘咁, 比多多時間你都無用啦, 咁銀行就會夾你用第二招;
2.      破產 ~ 超級緊縮四年, 債務一筆清, 但以後唔洗旨意有人再借錢 (如果希臘唔聽話, 德國就真係要踢走呢個衰仔, 以儆效尤).
 
所以, 我地一定要努力做到每月正現金流, 擁有財務自由.

4 則留言:

  1. 我原則是賴皮,趕佢走。
    乖乖聽話,萬事有得商量。
    憑什麼,討價還價!

    回覆刪除
    回覆
    1. 銀行對住我地呢D "小債仔" 都以同樣原則.

      刪除
    2. 如果我欠人錢,第一件事想是節衣縮食。
      國家如人一樣,無例外。
      要有尊嚴,還完錢就有,有借有還上等人!

      刪除
  2. 分析得好。所以這是一個good example of Game Theory. 最後歐盟無比希臘大到, 希臘咪唯有乖乖地妥協lor.

    回覆刪除