有錢人之所有廣告收入, 將全數捐予慈善團體

2012年6月2日

轉寬頻 (又係電盈惹的禍)

之前的 "生活經驗與投資價值" 講過有錢人去pccw 同去 smartone買電話的經驗, 今次到boardband了.

"一個人對待一樣事的態度, 等於佢對待所有事的態度" ~ 原來呢句說話放在服務機構都可以成立的.


話說有錢人用了電盈的寬頻前後無十年都有八載, 最近要搬屋, 就緊係要轉地址嫁啦, 本來諗住有錢人搬返同一個屋苑, 而合約又仲有幾個月,   又收得不過不失 (近來已經慢了,只是仍在接受範圍內), 所以直接打去電盈要求轉服務地址. 起初個服務員都無甚麼問題的, 只是問我的舊地址新地址, 轉換日期之類的問題. 之後就真係火都嚟...

= = = = = = = = = 以下對話全部真實內容 = = = = = = = =

pccw: " 有錢人先生, 轉服務地址方面的資料ok嫁啦....呀, 你依家用緊嘅係100M速度, 而你屋苑可以做到300M高速線嫁喎, 不如我幫你upgrade去到300M啦, 一個月都係多$20嫁咋"

有錢人: "唔洗嘞, 因為我上網都係睇下報紙同睇下blog, 而且我屋企只有一部device上網, 100M的速度都已經好足夠."

pccw: "係呀, 咁不如我幫你加一個室內外wifi服務鴉, 都係$15一個月嫁咋, 咁你無論電腦,手機, 甚至有朋友去你度都可以一齊高速上到網啦."

有錢人: "都唔洗嘞, 唔該, 因為我已經有自己的wifi hub,唔洗新增wifi device嘞."

(停了一秒左右)
pccw: "係呀, 因為咁嘅, 有錢人先生, 公司有個新指引, 凡係要轉地址就要收 $680行政費... 但如果你加用任何其他服務呢, 就可以waive呢個行政費. ,不如你加用個wifi 服務啦, 都係$15咋"

有錢人: "小姐, 你地公司咁樣, 即係強迫我加錢姐, 我仲有幾耐約呀? 每個月幾多錢呀?"

pccw: "仲有4個月, 每個月$162"

有錢人: "咁我依家cut左張約, 我都係蝕 $640姐, 咁你幫我terminate個acct啦, 唔該!"

之後, 服務員refer左另一個可能係高級少少的人"幫"我, 但最後都硬係要收我行政費或upgrade喎, 所以我收左佢地皮, 直接要求 Terminate個acct. 要terminate acct 都要一個月書面通知, 又要乜又要物, 都幾煩.

那位服務員的態度其實無乜問題, 有問題嘅係佢sell 嘢嘅先後次序, 如果佢一開始同我講, 公司要求收 "行政費", 但有指引說upgrade或者加嘢就可以 waive, 咁樣比我選擇, 或者我無咁火, 甚至有得傾, 但現實係佢同我做晒所有記錄之後, 再sell我, 我唔加, 佢就話要收行政費, 咁就令我覺得, 你sell我唔掂就屈我行政費!!!

幾百蚊我唔係無, 大家都有, 食餐飯打鋪麻雀都無左, 但咁比人屈就條氣唔順.

最後, 我走去搵香港寬頻街霸去新屋開返個寬頻 ~~ 連電話都係平均 $150, 仲平過之前. 頂!!!!

李生、你的電盈, 再見了!!!







1 則留言:

  1. 我都填左form會轉第二間。

    有次上唔到網, 打佢地個hotline約人上門整, 點知又打好耐, 約左又no show, 煩左我成個星期, 積埋積埋, 到期就改第二間...

    回覆刪除