有錢人之所有廣告收入, 將全數捐予慈善團體

2012年11月14日

強積金自由行開始了

自今個月2012/11/01開始, 強積金自由行終於成行了, 有錢人第一樣就係即時比較不同積金公司的收費以及有沒有 "現金利息"的基金, 市面上也多了許多資訊比打工仔去睇, 現在也只是半自由行的開發模式已經看到其正面影響(對消費者而言), 希望這個"強迫金"真正可以發展出令到大眾退而無憂的結果.

回說強積金的功課, 有錢人睇過好幾間公司的基金表現, 也看過他們的收費, 亦問過經紀有關於轉與不轉的分別在那裡. 經紀很老實也十分直接的答我, 對佢地SALES來說, 新資金是佢地最希望的, 所以新客人的 "管理費"一定平過舊客人的, 尤其現在匯豐恆生的MPF份額仍然係全港最大的,所以全部公司都睇住佢地嚟做.

以有錢人來講, 由匯豐恆生轉出去其他公司嗰度有幾個好處: (相反也一樣)

1. 管理費一定會低左, 無論選擇甚麼類型的基金都一定會平左, 否則, 點會搶到客仔呢;

2. 打工仔可以用腳投票, 如果選左嘅基金公司表現唔好, 可以夾錢走人;

3. 基金選擇多左, 唔洗再侷限於自己公司的選擇;

本人已經聯絡了心儀的積金公司處理"轉會手續", 仲會搵埋有錢太太一齊轉會添.


強迫金是自己錢, 而且係強迫性長遠投資項目, 以我這三十零歲來講, 一般戶口少則十零廿萬, 多則三四十萬, 十零廿年之後就是少則一百幾十萬, 管理得好的話, 可以是三兩百萬, 甚至三五百萬之數也不出為奇. 廿年後, 有錢人都只是五十出頭而已.

你不理財, 財不理你, 一定要打醒精神處理!! 共勉之

5 則留言:

  1. 請問有錢人心儀邊間MPF公司呀? 可否透露下~
    我對永明的香港股票基金好有興趣~其次係RCM或富達~跟住就AIA~ 我主要睇佢香港隻股票基金做得好唔好~同埋入面既防守性基金如債券的表現好唔好,咁就進可攻,退可守~
    不過我仲未打去問下D公司收費同埋平時管理如何~

    回覆刪除
  2. to pokson,
    多謝閱讀,本人較為喜歡宏利,因為佢有些市場獨有的產品,自己已經經常接觸香港股市,所以唔洗基金佬幫我攪.

    回覆刪除
    回覆
    1. 我有家人用緊宏利,所以之前都有睇過佢D基金表現,佢既選擇的確係比較多,有北美及歐洲等可以買外國市場,而且我都頗鐘意佢個平台,尤其係佢可以顯示返基金不同時段內的表現圖表,仲可以對比其他基金表現.

      不過佢既香港,大中華,亞太股票基金都係基本上同恆指上落同步,睇唔到佢有咩突出之處,所以我決定放棄了!

      我反而因為睇開港股,所以決定mpf都係買返香港基金,因為熟些可以捕捉得較好,因此就不考慮其他市場了

      也謝謝你的分享

      刪除
  3. 有錢人兄:
    拜讀你的文章~獲益甚多~
    特別係月供盈富基金那幾篇..
    但我想問..如果不是根據息率,而是用恆生指數的PE值決定加大入貨量,會不會更有效益?
    因恆生指數一直以來都<25...當我貼近25時買少一點貨...但愈接近個位數就買多一點..
    還望賜教息率和PE值之間的取捨...

    回覆刪除
  4. 唔好意思,我未有試過用恆指PE作為操作指標去比較效益,但可以咁講,兩個數字作為指標都係講緊差唔多的東西,都係"現價相對過往歷史"是相對較高還是較低,所以重點不是用那個指標,而是如何定出指標的相關操作以及執行力與持久力.

    回覆刪除