小小的交易費用會令你由贏變輸

承接早前提過有關有錢人的老闆整個戶口比有錢人玩, 跟手老闆介紹了幾個銀行, 證券行的"老友"比有錢人認識.

呢班大哥大姐, 當然個個來頭不少, 全部都係大行人仕, 佢地介紹親都算是"好嘢"嚟嘅, 但係手續費就真係貴到無朋友, 有錢人每次聽完, 心裡面就會諗, "你地真係夠老友, 手續費咁Q貴?!"

強積金的廣告都有教啦, 每年1%手續費的差異, 係可以令到大家的回報最終相差好遠嫁, 如我之前的文章"投資回報" ~~ 每年1%的回報差, 可以是20年之後差不多兩成的回報差距.

這樣的論調, 在頻繁的交易中更顯得十分重要, 以有錢人常常做的股票期權價外short put/ short call, 好多時的期權金都係收一百幾十元一張合約, 如果手續費係 $40/ 合約 跟 $20/ 合約, 看似只是$20的差距, 但是, 這$20就是勝負的關鍵; 假設權金收$100/合約,  $40就是40% of revenue, $20就是20% of revenue, 一般來講gross profit都係30% - 50% (因為有些合約是會由價外變做價內令到該合約蝕錢嫁嘛), 依家硬食40%手續費喎....你做唔做??

因此, 我同老闆講, 那些"老友"的機構, 不是我們"比得起"的收費, 都係搵返一般證券行吧. 這是為何證券行有生存的空間了.

= = = = = = = = = = = =

對於我們一般散戶, 最好的投資方法是減少交易次數, 選好想買的股票或指數基金, 就為此設計好投入資金策略, 嚴格執行, 在基本因素及預期不變的情況下, 不要因市場短期超買/ 超賣而做出莽動行為啊!! 否則受傷的就只有自己, 不要怨天由人. 

不是通過自身努力得到的財富, 很容易會流失的...呢啲叫做 "冤枉來, 瘟疫去".

共勉之!!