渣打升左, 仲入唔入?

有錢人上年年尾回來時, 渣打跌到半死不生 (回來了), 有錢人入了一轉 @ $113.5, 並預期渣打盈利會有每年4%增長的, 可惜, 渣打業績公報令有錢人有點跌眼鏡之感, 每股盈行竟然是 $7.93, 比起2013 的$12.75, 跌了37.8%, 但由於派息比率增加(由52.3% 升到84.15%), 所以有錢人的實際息率是 5.89%. 當然. 如果渣打未來幾年都走唔出現有的困局, 最有可能是保持現有的派息來維持股價.

如果真如有錢人烏鴉口所講, 渣打於未來幾年都係”咁上下”, 盈利升唔返的話, 回本期就由之前預期的6/ 7年變成14年, 雖然唔係好順, 又唔係好信, 但只要派息不變, 其實又無乜大不了, 股價跌多D可能仲好.

不過, 股票/ 金融就好似識變法術咁神奇, 呢頭 (上年尾/今年頭/甚至今個月頭)比各大行分析報告話唔掂唔掂, 仲要話目標價下調至$100左右甚至$100以下都有, 嗰頭渣打宣報栽員, 又換大班, 又有遷冊傳聞, 三扒兩撥已經由低位 $102轉轉折折,升上$120, 最近更升到約 $130附近.

老實講, 如果渣打要遷冊, 一開波要比廿幾億成本, 然後每年慳幾億, 回本期起碼都要4/ 5年啦, 每年慳幾億大約等於渣打10分1的盈利, 咁計, 即係如果真係遷冊, 今年 (2015)渣打盈利也可能大概等於 2014 甚至再低D喎? 派息會唔會被減? 或差不多呢?… 當然, 遷冊行動是以一次性短期成本換來長期減低成本. 是除笨有精的舉動.

從這幾個月渣打的行動, 它表明自己要”捲土重來”的意圖, 而且行動都是容易理解及計算的 ~ 例如栽員/ 賣掉唔賺錢的業務/ 加強進攻有錢賺的市場等等, 與當年330 思捷的不思進取是一個相反 (令人失望又憤怒的思捷 - 打鈀!!)( http://poorhaves.blogspot.hk/2011/09/blog-post_16.html). 希望渣打回復升軌.

 
有時候, 見到國際性大機構, 在遇到大難題時都會手起刀落, 又可以清楚交代後續行動, 與及陳述相關利弊, 雖然有時就唔係好近人情, 但真的不得不佩服佢地成熟果斷但又毒辣無情嘅管理/經營手法.

有錢人