匯率大戰一觸即發 有乜影響?

最近近聞提及, 英、美、日、韓、台、歐、巴都會以 "印銀紙"、"量化寬鬆"、"買外國貨幣" 等等monetary policy 去保護國家經濟,
簡單啲講, 就係要做到自己的錢比人地國家平, 咁自己的國家的貨就會好賣啲, 人地啲貨就會無咁好賣... 只有中國 "好心", 在國際壓力下 (其實咪又係美國囉), 係咁依升左啲啲.

咁, 對於投資又有乜影響呢?

貶值, 係一個相對性的情況, 錢貶值, 即係貨物升值,即係金、樓、油、食品、用品、原材料...全部貴晒.... 呢樣嘢咪就係"通脹"囉, 美金由幾十年前取消金本制到依家, 足足貶值80%, 即係話, 當年用一美元買到的東西, 依家要用五美元先買到囉.

如果,預期美元會繼續貶值, 同美元掛鉤的港元, 點都唔會升值掛, 即係話, 所有嘢都只會係有得貴無得平囉 - 除左人工~~~ 因為香港係入口地區, 尤其依家金融地產發展已經成為香港唯一的發展點, 在經濟環境唔好情況下, 大部份企業都只可以"貴買貴賣"唔會賺多左, 咁又點會比高啲人工啲伙記呢?

咁, 你話依家個市會升定跌? 但同時間, 大部份打工仔的生活又會如何? 自己諗諗吧.