目標與計劃、投資與儲蓄, 越早開始越著數 (二)

說到儲蓄及投資, 一定要趁早做, 一個最為人知的比較就是巴菲特與索羅斯: 

巴菲特與索羅斯年齡相約, 據悉,  巴菲特與索羅斯的平均年回報率分別為約20% 及 32%, 不要評論他們的投資風格如何, 單以回報看來, 索羅斯比巴菲特更出色 ~~ 平均高50%一年. 

然而, 巴菲特身家近US 420億, 索羅斯卻只有"可憐的"US 110億. 為何? 最主要的原因是開始的時間:
巴菲特於1956年已經自立門戶, 開立巴菲特聯合有限公司（Buffett Associates, LTD), 而索羅斯則是1970年才自立門戶攪基金 (之後成為量子基金). 

巴菲特開始時只有US 100,500 資本, 假設往後13年沒有新資金加入 (其實呢十幾年, 不斷有百倍計新資金比佢投資的), 以其20%年回報, 去到1970年已經是一百萬 如果以實際數字來計, 根據當年的FORBES講, 1957年比一萬巴菲特投資, 去到1970年, 竟已經變成26萬了 (即是13年26倍)... 

就是因為早左呢13年, 巴菲特就變了首富第二位, 而索羅斯就只是第29位. 

越早開始你的投資生活, 是讓你變富的最簡單方法. 今天1000元, 10%年回報, 30年後就是17449元 (17倍). 

要投資, 第一是資金, 儲蓄就是資金來源的最基本因素 (不要冀望中六合彩贏大錢之類的"幸運"), 我從前不是一個會儲蓄的人, 因為我覺得我未來賺到的錢,必定比我辛辛苦苦的儲蓄更多. 然而, 事實是, 由於我由細到大都沒有儲蓄的習慣 - 應該講係"大洗"的習慣, 我出來工作的時候, 我的淨資產竟然係負數... 直到我工作幾年之後意識到問題的嚴重性 : 
http://poorhaves.blogspot.com/2010/05/blog-post_5268.html 

從當年25歲開始, 我的儲蓄率就接近60%, 因為我希望 "追"返過往大洗的後果, 但已經遲左十幾年, 時間係無得"追"的... 

如果你有小朋友, 一定要幫他、教他、讓他學會好好儲蓄
如果一個人, 由出世到大都在儲蓄, 到20歲時 (當佢開始懂事的歲數) , 佢的身家會有多少? 

假設: 平均每個月儲$100 (一年即係$1200), 如果每一年放左銀行的利息是4%,而該筆錢同收到的利息都繼續儲, 廿年之後就會變成$36677. 

現今的小孩, 由出世已經係一家之寶, 其實, 根本就可以儲到唔止呢個數. 就以我的小孩為例子, 佢一出世滿月, 家中長輩就個個都比"利是", 農曆新年又有, 生日又有, 依家十幾個月人仔, 佢嘅淨資產已經有三萬幾 (我同老婆幫佢存左入銀行). 如以上面的計法, 當佢廿歲時, 呢三萬幾就已經變成差不多8萬.

另外, 香港社會每年都有兩個時間, 小孩子會特別 "富有" ~~~ 就是生日與新年. 以我個人的一般家庭經驗, "生日利是"(包括自己生日,爸爸媽媽爺爺嫲嫲公公婆婆生日) 每年大約是幾百元, 而"新年"就大約兩千元, 如果小孩子唔洗左呢啲錢而拎去儲蓄, 即是平均有已$200一個月了.


即是說, 如果我的小孩就只儲蓄上面的三萬幾元再加每年的"利是"錢, 在每年4%利息(回報率)下, 佢廿歲時就已經有15萬了 ~~ 記住, 是只有4%回報率啊, 如果是我10%目標回報率呢?? ~~~ 是40萬大元啊... 即是, 一出來工作就有40萬. 如是者, 起步已經比人家快了吧 - 起碼, 比我出來做事時還在欠責的境況好上不知多少了吧.