負資產數字大升, 那又如何?!

今日見報, 有提及負資產數量在第三季急升33倍, 但同時間, 又聽到有說發展商賣樓反應不俗, 更說因為有新樓賣, 令到二手樓交投淡静云云...


其實, 負資產數量增加絕對是意料中事, 有錢人認為呢個數字會繼續增加多一兩季添, 但這是否代表樓價會大跌呢?  ~~~ NEGATIVE

依家樓市出現一個奇怪現象, 一方面好多買家想買又唔買, 又怕痕又怕痛, 買了又驚跌, 唔買又怕升, 所以經常有 "開天殺價, 落地還錢"的現象, 然而, 賣家卻是皇帝女唔憂嫁, 雖說多左 "負資產", 但現時樓價估值都幾高, 一般比持貨超過一年的賣家的買入價為高, 二來銀行利率講話加話加, 都只係加到兩厘多, 根本算不上是甚麼負擔, 大家諗諗, 如何有條友借一球比你, 本金分廿年還, 即是每年比五皮, 另外要你每年比返三兩萬佢去飲下茶, 就算你用返佢借比你嗰一球還錢比佢, 都拖到十幾年啦, 咁對債仔來講是負擔嗎?

係唔係"負資產", 究其實就係你會唔會當埋條底唔夠填數咁解, 而負資產要去到咩情況下會成為問題呢? 就係負到銀行都驚你無錢還, 而銀行又要噗水, 所以要叫你"補倉", 呢個情況97年金融風暴時出現過一次, 當時樓市一時間大跌3成 (其實唔多關8萬5事), 銀行關水喉唔放水不特止, 仲要班師回朝, 咁樣高位入貨班大哥大姐就緊係 HIGH 晒嘢啦.

看看依家嘅情況就有少少唔同, 因為銀根唔算好緊, 銀行無乜理由無端端加爆息 (無返357厘唔叫加爆), 玩死自己班客嫁嘛, 另外就係香港政府已經被人鬧到怕左, 一有風吹草動, 一定出來"和諧"下, 點都唔會比個市無啦啦死左, 咁大家都無得玩 ~~~~ 地產, 本身就係香港的命根.

所以, 我信誠哥一句話 "買自住樓, 幾時都唔會買錯" (如果你只當買間屋係消費, 有錢先去買, 實啱啦!!)