得勝率奇高, 但回報亦高的投機策略 (三)

之前兩篇文章都以 SC 作為基礎去計算, 其實, 在有錢人的實際經驗, 係唔會咁做嘅...


對於有錢人來講, 投機的錢最好是在最大機會的情況下賺到盡, 因為我地的錢預左有機會蝕, 但羸在平均, 就好似英超咁, 就算有隊波對親頭3位的球隊都好勁, 一定嬴, 但只要呢隊波對其他隊都會比人打到七個一皮, 一個球季之後都一定無運行, 要降班, 因為最後只可以嬴到6場波得18分. 但係有另一隊粉蛋, 除左嬴到呢隊波之外就次次都打和, 最後佢竟然有得留低, 因為佢有42分,

同投資唔同, 我地投機為嘅只有一個好純粹嘅目的, 就係羸錢, 最好就緊係穩穩陣陣地有幾多就羸幾多. 雖然投機本身都有運氣成份嘅, 但如果以長期來計, 最終趨勢一定會跟據機率的情況出現; 就好似開賭場嘅老闆可能一日兩日會蝕錢, 仲好有機會蝕得好金, 但如果佢開賭場開得夠長期, 仲要日日都有足夠多賭客, 佢就一定發過豬頭, 因為賭場得勝機率一般由51.5%到54.5%不等... 否則, 點會有『長賭必輸』呢句話, 但呢句話係講比賭客聽, 我地做莊的話又唔係咁講... 係『多多益善, 少少無區』 , 最重要係, 夠長時間比我地做莊.... 呢個同我之前的一篇文章 "投資目的 - 賺錢 (一) " 概念相近.

= = = = = = = =

講左咁多其他嘢, 究竟有錢人呢篇想講乜鬼呢?? 今次就係想講講如何在 SC 與 SP 之間游走, 去做到又安全又可以賺得多啲....

首先, 一齊重溫基本資料, 用返之前ICBC 嘅例子, 大家知唔知由2006/01 - 2011/11 期間, 有幾多次其股價下跌超過15% (答案在之前兩篇會搵到) ?? 另外, 大家又知唔知同一時間入面, 又有幾多次係股價升超過15%呢? 答案都係5次, 又係平均一年一次左右...

咁即係話, 以有錢人的策略, 無論你玩SC 又好, SP 又好, 你都係有92%嘅機會羸, 以機率計, 真係好過開賭場; 但如何賺得到更多, 呢個就係 SC + SP 嘅MAGIC所在....

由於依家已經12月中, 加上今個月夾住個X'MAS, 12月期無乜水位之餘, 已經無乜化表性嫁喇, 所以我地今日用 1月期做例子: 以現價計, ICBC 係 $4.54, 上下波幅 15% 的價位分別係 3.9 同 5.2, SC期金 $50 一張, SP 期金又係 $50 一張, 按金同樣係 $500

如果我地只係做單邊, 即係只做 SC 或者 SP, 咁按金就係 $500, 但如果大家做完一張 SC, 然後做一張 SP, 你會發現, 被收取嘅按金係少於 $1,000嫁喎, 因為股票行個電腦好勁, 佢會幫大家計好晒對沖按金比例... 大家頭先做嘅 一張 SC 加一張 SP, 一邊蝕就另一邊會賺嫁嘛, 佢就計好呢條數 - - -- SC 蝕幾多, 按金加幾多, SP 賺幾多, 按金又會減幾多, 咁一加一減之下, 原本賣兩份期權出去要比兩份按金, 依家只要比一份加多少少就得喇... 咁即係點?? 即係可以做多一張 SC 或者 SP囉.

就好似你有$10本錢, 夠錢去供應商買兩包糖, 諗住入完貨就拎去賣, 但依家個供應商同你講, "那, 老闆, 你依家放低$10做按金, 我比3包糖你出去賣, 賣到賺到錢先返來找數啦"
嘩! 咁大隻蛤乸隨街跳?!?!?

(下期待續)