生活經驗與投資價值 --- 續

上一篇文章提到, 有錢人為了送i-phone比有錢太太, 四出張羅有關資, 直接與 Smartone 及 pccw的服務員接觸查詢的經驗, 今次想紀錄後續的故事, 是純粹關於 Smartone的.


有錢人比較完所有價錢及服務計劃內容之後, 最後都是選擇了Smartone. 原來, 無論大部份電訊商, 只要選擇500Mb 的plan, 出機上台價都是簽兩年合約, 而兩年的總支出(連手機費用)都是$9200-$9600不等, 就算一開波比錢較少但之後要比返多少少, 在唔計及present value的情況下, 可以說是無分別.

在Smartone內跟服務員簽約, 同一間鋪但不是同一個服務員, 我跟服務員傾談:

我: "呀, 哥哥仔, 你呢間鋪啲服務員都幾穩定喎, 入面個個都好似熟口熟面咁嘅"
smartone: " 係呀, 呢度嘅同事都幾穩定嫁...唔, 今年呢度都好似都無乜人仕交替"
我: "嘩, 咁厲害, 你呢度門市嚟嫁喎, 成年都無人辭職?!"
smartone: "係呀, 調職去第二度就有."
我: "咁你地一定做得好開心喇."
smartone (會心微笑): "都係嫁, 呢度啲同事都幾夾"

一間機構要留住員工有3個主因, 前景, 錢景, 同快樂; 而一個機構要的服務員笑住地服務客人, 首先是服務員自己要快樂. 有錢人相信, smartone 對員工的待遇應該唔太差 (有錢景), 同事工作環境及安排也不錯 (快樂), 所以那個哥哥仔才會笑笑口對住我傾計, 也因此, 他們那間鋪的離職率那麼低. 我不肯定是否每一間smartone的街鋪都係咁, 但應該相距太遠.

一間機構會否成功有很多因素影響, 但一間機構內的員工是否快樂, 與及其文化是否快樂, 只有一個因素 ~~ 管理層想唔想員工快樂 (用行動代替說想或不想) ; 新鴻基, 有你的!!!