生活經驗與投資價值

Peter Lynch 曾經在其著作說過, 我們要找好的投資, 可以從我們的生活中發掘. 今天有錢人就想分享這方面的經驗與體驗.

最近, 有錢太太的手機有點問題, 有錢人想給她點禮物, 所以想買部新手機 - I-Phone 4S給她, 在尋找過程入面, 有錢人找來了三兩間電訊公司作比較, 分別是數碼通, 電訊盈科, 以及3, 由於本人曾經用和記有過不愉快經驗, 所以看過價錢發現跟另外兩間大致相約後, 就沒有跟進.

數碼通是我一直使用的電訊公司, 順理成章, 我先找它查詢出機資料, 程序, 價錢以致服務細情. 當時是晚飯過後的時間, 鋪內人流比日間少, 我入到鋪面, 其實當其時已經有幾枱客, 剛好有個客服員完成了一單deal, 佢見我一入去鋪面, 即時問我有甚麼可以幫到我, 我就跟他說我想找 I-PHONE 資料同埋有關的PLAN. 然後佢就用開始解釋我知唔同嘅plan的機價以至月費,服務內容 (當然, 佢緊係sell我用 "無限plan"啦), 其間我都有發問不同問題, 甚至要求佢幫我check現有合約期云云. 最後, 我係無同佢做生意的, 但他仍是笑笑口送我出門口, 又介紹我都可以考慮下samsung, 不過spec 同價錢就有唔同.

第二日, 我就去了PCCW, 當時是晚餐前的時間, 我經過鋪面見人流唔多所以入去, 但在門口的服務員見我入去, 望著我, 沒有問我需不需要幫助, 也沒有理會我, 而我入去之後, 也有兩個職員在我身邊行過都沒有理會我 (這已經令我有點不悅), 直到我入去行來行去 (大約半分鐘), 又拎了張price list睇, 終於有位哥哥走來問我, "有乜手機啱, 介紹下", 以下是真實對話:

我: "我想睇下你地啲i-phone4S 嘅plan"
PCCW: "i-phone?! 依家無人用嫁啦, 用Samsung Galaxy S2啦"
我: "但我想搵I-PHONE的資料先喎"
PCCW: "依家I-PHONE未有現貨住, 我介紹左啲PLAN比你先啦"
(心諗, 無人用?! 咁你地又斷貨?!)
跟住佢就介紹了其公司的GALAXY S2的機價同月費, 其間不停踩I-PHONE乜乜差物物唔掂...當然, 我最後都係無比生意佢做就走左.

老實說, 如果要比較兩間公司的網絡水準應該不相伯仲, 但以個人的 "被服務感受"方面就真係大不同了. 雖說數碼通並不是, 也沒有理由當我上賓招待, 但他們的同事往往給我一種好踏實的感覺, 沒有輕挑的語氣, 也不會有誇誇其談, 只是努力去理解我需要, 然後比佢地自己的意見, 感覺是頗討好的;

相對而言, 我入到PCCW, 感覺就不一樣了, 先不說入去都無人理我是不是問題, 對於它的服務員的說話態度 (要澄清, 他不是沒禮貌的), 個人就不會BUY, 而且, 他一來就 "打擊"我的購買意慾, 在未理解我為何會想睇I-PHONE 之前, 已經"挑戰"我的心頭好, 這是嚴重的銷售犯罪 ---- 對辯, 而不是站在客人的立場加以遊說. 再來就是以其 "好口才"試圖說服我根據其"意願"去選擇,但當我強調意願時,原來"是沒有現貨"...... 我不想一竹篙打一船人, 但無論對人或是對一個機構而言, 都可以見微知著. 感覺就是不一樣!!

(對這兩間服務機構的相似服務經驗, 其實已不只一次, 但這次是最新鮮滾熱辣的一次)

所以說, 如果要買股票, 在不需參考其往續的情況下, SMARTONE 及PCCW之間選擇的話, 我一定會選SMARTONE. 這就是PETRE LYNCH 所說的, 如果你會選擇其產品, 其股票也都是值得你選擇的.