得勝率奇高, 但回報亦高的投機策略 (四)

上文提到, 竟然有供應商主動提出叫我地 放低 $10 做按金, 就比$15貨我地出街賣咁大隻蛤乸...


係真嫁, 但實數當然無咁高啦, 大約可以賣多10%-20%左右啦... 咁即係點? 即係同一筆錢, 只要你肯由單邊嘅92% 贏面, 下降到  84% (92% x 92 %)贏面, 你就可以增加10 %- 20% 的回報囉, 如果大家將SC 同 SP 分開睇, 就係將個槓桿增大去增加 10%-20%回報, 因為無論SC 又好, SP都好, 其得勝率都係 92%.

呢種操作方法的好處當然就係在一般情況下加大槓桿, 加大回報啦, 但其實同一時間, 佢會令到大家的投機錢更安全, 因為同一時間做SC同 SP, 即係你嘅實得權金係 SC + SP, 即是話, 如果ICBC 股價跌低過 $4.0之餘仲要跌低過 $3.9, 我地先會蝕, 因為我地實際每股係收到權金為: $0.05(SP) + $0.05(SC) = $0.1

如果大家同認識期權的朋友傾開計, 好多時佢地都會講, 期權一對一對咁做, 呢個就係其中一個意思 (當然仲有其他做法).

有好處, 當然有壞處啦, 就係:
1) 當波幅變大, 又或者單邊爆升, 按金需求都一樣會變大, 所以要有此準備;
2) 如果見勢色唔對, 想平倉的話, 就要有返多 10% -20% 的現金去增加按金, 否則有可能比人斬倉;


最後, 都係要提一提:
有一樣嘢要記住, 股票期權等都是有槓桿作用的衍生工具, 其最大風險在於會於突變市況下對現金流的需求(按金)變大.... 所以, 投機於此不可以用救命錢, 只可以用多餘錢, 而且仲要計好有安全邊際先好參與, 否則, 好容易會車毀人亡....