有錢人之所有廣告收入, 將全數捐予慈善團體

2013年3月1日

做個有錢人之路~ 2013/03/01

今天是2013/03/01, 距離"起步" (2010/04) 已過了34個月又是時候回顧我的"有錢人之路"我的財務現況



~資產~
物業:
一層自住樓, 對銀行來說, 約估值 465萬, 但不少經紀打比有錢人叫價都在480萬以上; 雖然樓價比買入價已經上升近一百萬, 但有錢人不會賣這間自住樓, 因為有錢人與有錢太太都住得好開心, 亦已經無樓可換. 另外, 由於有錢入私還款及借款比例之限額都用得七七八八,而自住樓也買入未滿一年, 不想太快就加按, 所以沒有甚麼行動.


股票戶口:
2012/02/28 收市價計,大約總值$56
今個月的有錢人, 真係十分 "清心寡慾", 雖然增加了戶口的現金, 竟然真的是甚麼也沒有買. 而事實也證明我上個月認為當時是短期升浪尾水, 有錢人手持的股票, 在今個月也只在高位整固, 有些也下跌了一點, 但由於我手持的股票, 主要是長揸投資對象, 所以都無乜理佢.
(所有買賣已經埋單及所收到的股息由開blog以來蝕左-$30,750,"減少現金");

期權戶口$40
二月份中移股價基本上沒有甚麼上落, 只是結算時比人強行粗暴地壓在 $85樓下, 令到有錢人被強姦了 $85 sp的大部份收入, 除此價的sp以外, 全數安全上壘 ~


最後埋單月結, 權金總收入大約是四萬元, 其中有部份是3月,甚至4月的.

 
現金約$ 120
今個月,有錢人公司出了特別獎金予有錢人,同時, 有錢人也把在銀行戶口內的現金降低, 以作不時之需.


~負債~
樓按大約$260
私人貸款大約$33
(不知不覺, 自己的私人貸款已經還了近六分一)

淨資產~

($465+$56+$40+$120)-($260+$33)
 = $388
比上個月多左十幾廿萬, 主要原因都係樓市, 
對比"起步"多左約$230(起步時估值為$158), 達標指數38.8%  ~ .~
目標~~有錢人希望以一千萬淨資產以作"退休生活"之用.

= = = = = = = = = =


有錢人為了擴闊自己收入圈及能力圈, 努力成為自己以外, 仲有家人, 朋友, 公司的 "投資經理", 就好似一個私人基金經理般, 幫身邊的人賺錢之餘, 也迫自己投資更謹慎, 當然, 作為一個"基金經理", 我係會 "有償工作"的.

本人已經開始為兩位客人服務了, 相信在未來, 客人的數目會不斷增加.

= = = = = = = = = = =

5 則留言:

  1. Hello 您好, 又係我, 唔係好識用 google blog, 可能仲係出匿名, anyway…見到您話 target 一千萬資產退休, 但看您的計算是包括自住物業, 那當到時供滿層自住樓值五百萬, 那只是賺了租(不用交租), 它並不能幫您 generate現金流, 用餘下五百萬去 generate cash flow 以支持家庭開支, 每月每一萬這五百萬就需要2.4%年回報, 若退休時需要每月開支三萬, 就需要7.2%年回報 (未計~3%通脹(即 need ~10%) and每七至十年一個浪), 其實話易唔易

    回覆刪除
  2. hi,匿名,未知如何稱呼你,多謝你閱讀.
    其實, 這些計算都係計算嚟,實際數字必定有不少偏差,觀乎財爺預計政府收入都年年咁大出入,我個人就好同情佢,因為佢老人家可以做的就係預計必定有的收入同支出,但政府每年不能預計的收入同支出一般都比呢個數大幾十倍,呢幾年年年都好彩,股票收益夠大就比人笑無能,試下過幾年股票賺唔夠多呀啦,個個鬧到佢爆.

    你講得無錯,前後10%回報好似話易唔易喎,但話難亦都唔難,首先,如果一個人可以在工作的三幾十年裡,有能力令到平均投資回報可以有10%-15%,你估下佢在所謂退休之後,會唔會一下子淨係做銀行定期儲蓄呀嗱?

    我地年青人一定要做的,就係加強自己的賺錢,以及賺取被動收入的能力,投資係其中一種,做生意又係另外一種.學用人地的錢賺錢又係一種方法.條條大路通羅馬.

    如果你有興趣,都可以睇下我有關盈富基金的操作方法,以對上十年的往績計,平均回報都有10%以上.
    (http://poorhaves.blogspot.hk/search/label/2800%20盈富基金)

    回覆刪除
  3. 有錢人兄,之前謝謝你回答我有關按股票既問題。
    今次我想問下你有關幫朋友/家人做投資經理既事
    想問下你以咩水平黎作補償??
    因為我都有呢個諗頭,
    話說我有個朋友都有儲落一d錢,
    但大部分都只係擺係銀行收息,
    我問佢佢話忙所以冇時間睇咪冇投資。
    所以我有諗過替佢投資,不過唔知點開口姐。

    回覆刪除
  4. TO 賢,
    我幫朋友/家人投資/投機,首先我都會比一個包底位佢地, 例如每年一定不會蝕多於某一比例,咁可以比佢地一個安心之餘,也比自己一個警惕,唔好博得咁盡.
    另外,無論感情有幾深,錢銀數目要均真,我一定會同佢地訂立服務合約,講明自己的收費如何(按收益?定額?),佢地又可以何時跳船,如何跳船.
    錢是人地的,我只係一個代理人,所以呢啲事一定要非常清楚,免得第時因財失義.
    我通常好直接講,我依家做緊乜嘢,問佢有無興趣比我幫佢做,有就比TERMS佢睇,簽約過數,開波.服務是一買一賣,大家清清楚楚.

    回覆刪除