做個有錢人之路~ 2013年結 及2014目標

2013年話咁快就過....
先回看一些往續:

2011年結 (淨資產265萬)
2012年結 (淨資產365萬)

= = = = = = = = = = = = = =
2013年尾的時候, 有錢人的資產是:

樓: 約 500萬(擁有一層自住樓)
其他投資項目: 約50萬 (剛投入了資金)
(非流動資產550萬)

股票戶口: 約70萬 (戶口內其實有幾十萬係現金)
期權戶口: 約30萬
現金: 約50萬
(流動資產150萬)

(負債)樓按: 約260萬
(負債)其他: 約25萬
(負債285萬)

 淨資產約 $415萬
= = = = = = = = = = = = =

2013 做過D咩??

1. 淨資產: 由一月份的365萬 到現在的415萬, 多了50萬;
    流動資產:  由一月份的約200萬 到現在的150萬, 少了約50萬; 
    非流動資產: 自住樓升了30萬, 另外, 由流動資產調動了50萬出來與朋友開展飲食業務;
 
    流動資產目標 ("資產配致 2013 ~~ 計劃1 (目標)")要求有 230萬至240萬 ~~ 做唔到, 只是大約持平 (計埋剛提出去玩飲食的50萬)

2. 於下半年開始了碩士課程, 已經放低書包10年有多, 現在還要工作以外兼讀這碩士課程, 認真是辛苦的... 但有錢人覺得有錢太太更辛苦 ~~  因為有錢人的"家庭負擔" , 因上課原因大部份由有錢太太承接了 (多謝我偉大的太太).

3. 負債減輕了十來萬, 有錢人個個月都乖乖還錢 (樓按及私人貸款), 又沒有再新造任何借貸, 所以 "減債"了.


4. 之前有錢太太都會每個月放 $1萬入我地的聯名戶口, 今年年頭我好豪咁同佢講, "你鍾意儲就儲, 唔儲就唔儲啦, 唔洗理個戶口了, 反正入面的錢只當應急之備用現金, 依家流動現金非常充裕, 根本唔會動用"....點知佢今年好似真係無乜入過錢, 因為戶口數字沒有變化過, 但據知, 佢今年都係無乜儲到"私己錢"... 即是, 賺得多, 洗得多囉...

5. 期權戶口六月失手, 被自己重創十幾萬 (重溫貪字得個貪第四集), 之後做返乖仔, 嚴守紀律、做好防跌的雙邊工作、準備合理現金入貨, 現在計算之下, 平均每個月都有約 $2萬進帳 (與資產配致 2013 ~~ 計劃1 (目標)  合預期) ~~

6. 今年去了三次旅行 (出文之時, 有錢人應該人在外地了), 前後洗了十幾廿萬.比預期多了一倍

7. 今年的日常洗費比以前多了很多, 試過有好幾個月, 基本收入唔夠當月消費支出高, 這是必需要注意及改善 ~~~~ 以後一係就洗少啲, 一係就賺多啲!!

總計來講, 有錢人的資產增長, 主要來自 1)物業升值; 2)還款, 而有錢人今年洗多了的錢是來自 1) 股息, 2) 期權收入, 所以才得以沒有減少流動資產 (用被動收入來生活, 這也是部份地 "財務自由"吧, 呵呵)

= = = = = = = = = = = = = = =

2014年計劃及目標

1. 明年有錢細囝又開始返 N 班了, 家庭支出又要增加.... 簡單一計, 原來明年的每月現金支出要4, 5 萬一個月... 今年是4萬5左右...還未計旅行支出, 進修支出, 其他消費性支出, 加加埋埋, 每個月要預算有6萬元的現金支出; 第一大要務: 要做到每月現金流都是正數!!

2. 現在的流動資產 (股票+期權+現金) 有150萬 , 希望做到15% - 20% 增長, 即是 170萬以上.

3. 投資的50萬於飲食業務, 有錢人不奢望會有甚麼回報, 只期望一年之內不用再加大投資, 而該業務可逐步上軌道就已經很好了.

4. 能夠一年去兩次至三次旅行.