女人投資的巴別塔

有錢人很喜歡跟朋友 傾計, 無論是投資股票, 期權, 物業, 以至投資自己的時間, 人生, 健康, 下一代, 男人女人之事, 我都喜歡談, 也喜歡聽人講自己的故事. 在傾聽他人訴說自己的成功/ 失敗/ 心路歷程, 以至思想路徑, 思考方法, 我可以從中去了解每個人自己的"巴別塔".

做個有錢人之路~ 2012年結

時到年尾, 有錢人近日重溫今年的投資表現, 以及回顧當中得著,
先回看: 2011年結 :

先總括一下今年的行動及改變:

330 思捷做老千?! 唉

雖然, 有錢人在2011年第三季已經把330思捷打鈀 (2011/09/16 令人失望又憤怒的思捷 - 打鈀!!), 但有錢人一直有留意思捷, 始終它也曾做過股市奇葩. 然而, 它一次又一次令人失望...

今次衰甚麼? 思捷好似做了老千一樣囉...

貪字得個貧第三集...買貨跌錢....PAY FOR LESSON

2012/06/03 貪字得個貧第二集 講的是有錢人如何做錯, 違反自己的期權原則, 今次, 有錢人唔係想講因為貪心而做多了甚麼, 而係因為"懶惰"而沒有做甚麼招至損失.... 又一次WTF!!!!

買ETF即係買左乜

有錢人經常推介, 如果唔係股市專家, 就最好買ETF(香港ETF ), 咁其實買左ETF即係買左乜? 有幾多人可以講得出? 如果更加具體地描述得到呢? 有錢就做了以下的計算, 以方便自己知道, 原來我買入了的ETF就大概等於買入了些甚麼股票:

商界裸奔︰理查德‧布蘭森與他的維珍之旅

有錢人喜歡 Richard Branson, 佢喜歡打破界線 (break the rules), 喜歡自由 (也喜歡給人自由), 喜歡狂野 (佢有幾狂, 可以上網search一下就知!!!), 但他創立的公司, 卻是全世界最成功的綜合公司之一, 真係乜Q都做, 但又比佢做到, 你真係吹佢唔脹, 又羨慕又妒忌. 在這個能力的人, 有錢人就只可以想到李+X似, 不過, 李+x同佢係倆個好唔同的人, 你睇個樣就知啦. 哈哈.

地產真的是霸權嗎?

"地產霸權"呢個名字其實大概始於2005年, 由潘慧嫻女仕寫成的 "land and the ruling class in hong kong", 之後大概2010年被翻譯成中文, 就係咁, "地產霸權"就成為在香港家傳戶曉對香港大地產商的一個統稱.

二十幾歲決定男人的一生 ~~ 砍柴人

好耐無寫閱讀報告....唔係無睇書, 而係一路睇一路睇都無乜記錄, 有錢人盡量趁有空檔寫返近期睇過我好書同大家分享.

呢本書名 "廿幾歲決定男人的一生"其實男人女人都啱睇, 佢係一本勵志書, 仲係叫你盡早發奮的勵志書, 雖然書中成日都講廿幾歲仔女就要努力, 否則到你三四十歲就想努力都唔可能, 但有錢人覺得, 無論你幾多歲都一定要努力為自己的未來而打拼!!!

資產配致 2013 ~~ 計劃1 (目標)

放租樓賣了, 所有錢已經全部到位入埋數了, 銀行戶口突然多左個零, 感覺有點唔慣. 有錢人的命格係有錢身痕格, 絕對唔可以有錢喺身, 所以呢排都係咁 "WINDOW SHOPPING", 睇下有乜好玩又安全, 搵定目標就計數, 希望重新做好資產配致, 為未來一年的目標及成績做準備.

因為有錢人無乜不動產, 只得一層自住樓, 所以全部計劃都集中在流動資產上.

小小的交易費用會令你由贏變輸

承接早前提過有關有錢人的老闆整個戶口比有錢人玩, 跟手老闆介紹了幾個銀行, 證券行的"老友"比有錢人認識.

有錢人期權倉 - 2012年12月份建倉

踏入12月份, 紀錄建倉情況:

0057 震雄集團 基礎分析(三)

程序五: 公司財務分析 (參考投資股市做功課 (六))

0057 震雄集團 基礎分析(二)

程序二 : 搵左喇, 否則邊有個分析呢? 有錢人足足睇左十年有多 (http://www.chenhsong.com/TC/about_report.aspx)
 (參考投資股市做功課 (三) )

0057 震雄集團 基礎分析(一)

有錢人最鍾意肯派息的公司, 也喜歡我睇得明業務的公司, 所以有錢人好少睇科技股(QQ之類) , 或其他概念股, 因為對我來講根本係唔明, 唔識, 唔係我財唔入我袋... 今次研究 0057震雄集團.

0057 震雄集團, 係由一個有錢人十幾年前出來工作已經識佢 (但佢唔識我)的實業慈善家蔣震創立, 雖然, 蔣先生已經80有8了 (同巴菲特差唔多年幾), 但仍有心有力做主席, 而佢呢間震雄, 其實都交棒比左個女同個仔打理了.

盈富基金計劃之優化(2012/12)

最近, 看到Mapochi兄的的文章 "市盈率投資法謬誤", 令有錢人再檢視自己的盈富基金計畫.

有錢人的計劃與Mapochi兄文章中舉例做法有一個很大的差別, 在於買入賣出的數量及比例, 以及當中有錢人不是以"增值"為單一目標. 另外, 因為"收息"是有錢人的其中一個目標, 所以買賣指標是盈富的息率, 而做法也不是全數買/ 全數賣, 而是每個月都有操作, 也有持貨, 不會全現金, 也不會全股票.

做個有錢人之路~ 2012/12/01

今天是2012/12/01, 距離 "起步" (2010/04) 已過了31個月, 又是時候回顧我的 "有錢人之路"了. 我的財務現況:

有錢人想的和你不一樣 (現實版)

在上年, 有錢人的寫了老友TL的故事, 內容講及他擁有三層樓的經過, 最近, 有錢人跟他傾開計,談起了樓市, 原來他跟有錢人一樣, 已經把出租物業都放賣了, 但他比有錢人更早賣了, 是上年年尾至今年年頭的事.

維他奶 2013

翻看記錄, 原來有錢人上次寫維他奶, 已經是2011年頭的事了, 之後就沒有再寫, 前後也有1年零9個月, 唔係有錢人唔記得或者放棄維他奶, 而係佢無乜好寫, 它是一間穩定穩陣, 有錢賺, 有息派的公司, 之前有錢人都預期, 以當時市價計 (好似大約$6.5), 維他奶平均一年連股息回報大概是10%-15%, 是合預期的.

香港ETF

最近, 有錢人為了自己的MPF, 開始留意多左 "基金"呢樣嘢, 也因此開始看多了不同種類的ETF,香港都發展了一些ETF, 由盈富基金以至不同地區及市場的ETF都有, 當然, 都係以香港同大陸為主啦...

對於ETF, 以前有錢人都只會去認識盈富基金, 當真正去研究過, 比較過之後, 就有以下發現最適合自己:

股神推薦ETF

股神巴菲特很多次推薦ETF...以下是其中一些言論, 都講到點解散戶應該買ETF:


“在我看來，最好的方法就是購買一支低成本的指數基金，然後長期堅持規律投資，因為你買進的其實是一個理想的行業，一個理想的國家的經濟。”

“如果你堅持不斷地買進，我們的確無法保證你的買進行為都是發生在市場的底部，但是我們至少可以保證這些買進行為同樣不是都發生在市場的頂部。”

無良心業主? 可憐租客?

大概在十月的時間, 有錢人就賣出了放租樓A, 但新業主是自住的, 所以要交吉. 有錢人隨即打電話比租客H, 通知他樓A已經賣了, 成交期在12月中, 所以希望在之前收樓比新業主. 租客當時都好愕然, 有錢人為了令租客H好受點, 也希望租客H可以走得暢順點, 所以比了一些 "租頭":

七成按揭? 九成按揭?

有朋友問有錢人, 如果想買樓, 應該做七成按揭還是九成按揭, 這個問題以前有錢人唔識得答, 因為我無經驗, 也無嘗試過計數, 但現在我可以講, 如果呢個係第一個自住物業或唯一一個自住物業, 除非閣下是有錢到可以唔洗做按揭, 想點買都得的情況, 否則, 越高成數按揭就是對你越有利.

投資回報

對於很多人來講, 1%不算是甚麼, 例如, 原本一件$100的衫, 依家要賣$101, 如果大家是喜歡這件衫的話, 那$1蚊的差距, 大家會介意嗎? 再講大少少, 一層樓本來叫價$303萬, 當大家想去以$300萬買, 但業主死都唔減, 如果層樓大家又係鍾意的, 又會唔會為了這 1%的差距走人唔買?

但是, 如果這個差距被放大了10倍, 20倍, 也許大家就會被嚇怕了吧...

強積金自由行開始了

自今個月2012/11/01開始, 強積金自由行終於成行了, 有錢人第一樣就係即時比較不同積金公司的收費以及有沒有 "現金利息"的基金, 市面上也多了許多資訊比打工仔去睇, 現在也只是半自由行的開發模式已經看到其正面影響(對消費者而言), 希望這個"強迫金"真正可以發展出令到大眾退而無憂的結果.

好彩還是實力?

有錢人賣了放租樓A(賣出放租樓A) 不到一個月, 政府就推出了辣招 ~~ 加強版SSD同BSD, 呢一個政策雖然唔會影響到有錢人的放賣行動, 但相信一定會減低買樓者的購買慾, 即是, 如果有錢人唔係一早掛牌賣出樓宇, 到依家才掛牌賣樓的話, 一係就再等唔知幾耐先有買家承接,一係就減價放售.

向上流的買樓故事

現時樓價高企, 不論有樓無樓的都話樓價高處不聲寒, 有說一些有樓的人因為樓價屢創新高, 在相同比例的升幅影響下, 想換樓也換不了樓, 沒樓的人就更無能為力, 也沒能力上車, 總之就怨聲載道, 有錢人反思自己以至身邊朋友,同事,生意伙伴的故事, 看看是否一如傳媒所說的那麼慘.

我們一般平凡百姓, 係唔會有能力一炮過買到最心儀的居所的, 所以只可以一步步地向著自己喜歡的目標前進. 這些"向上流"可以分幾個階段:

有錢人期權倉 - 2012年11月份建倉

踏入11月份, 紀錄建倉情況:

941 中移動 (11/01 收市股價 $87.30):

做個有錢人之路~ 2012/11/01

今天是2012/11/01, 距離 "起步" (2010/04) 已過了30個月, 又是時候回顧我的 "有錢人之路"了. 我的財務現況:

低能的最低工資 (二)

上文提到, 最低工資的 "飯鐘", "休息日", 都已經甚具玩味, 作為顧主, 當然想要即時理清立場, 不想之後攪到惹禍上身啦, 但 "公司越大, 責任越大", 連人工支出都越大, 麻煩也越大.... 看看大家樂的情況, 一講即死.....唉, 香港的政治嘛...

低能的最低工資 (一)

早幾日跟公司HR同事講起最低工資, 他們都不約而同鬧爆!!! 原來依家的所謂最低工資, 比起有錢人所想像得到的更低能... 也表現出我們的所謂 "政客"的膚淺... 爭取甚麼呀你地.... 我呸!!!!!

機會與挑戰

近期, 因為有錢人賣樓, 同老闆傾計都有提及這些故事, 加上老闆知道我有玩開股票及股票期權, 也聽過我的投資理念, 想法, 以至操作方法, 佢老人家話不如開一個戶口比我操作, 真正"試試"我的身手, 雖然金額不會太大, 但"用人地啲錢, 同用自己錢去投資/ 投機完全係兩回事", 讓我有機會玩下新嘢喎, 咁好玩?!?! 我當然一口應承.

雖然, 我不是甚麼CFP/ CFA又或是讀FINANCE出身, 更不是財演, 也沒有投行工作經驗, 但我有實戰經驗, 而且對老闆來講, 我有TRACK RECORD, 每次投資有回報或失手都會跟同事以至老闆分享. 所以老闆清楚我的投資策略, 放心比嘢我玩.

機會是留比有準備的人, 挑戰是留比肯接受的人.

共勉之!!!

與有錢太太在賣樓前的對話

在賣出放租樓A之前.  曾經同有錢太太講起, 佢話, 不如唔好賣住, 反正依家都無盤喺市場上面, 等多陣應該會再升下添;


有錢人問太太: "咁你估呢一年有幾多升幅??"

有錢太太: "應該都有一成嫁左右"

有錢人: "小!!!! 咁賣左佢好過啦, 你老公我要做到一年搵十零廿萬有幾難呀?!?!?"

有錢太太: "咁你係唔係穩賺先?"

有錢人: "穩就唔穩嫁, 但一定唔會蝕入肉囉; 如果樓價唔升, 唔賣的結果咪一樣, 一鳥在手好過啦, 依家層樓扣埋樓按利息, 差管雜之後, 實際得嗰3厘唔夠咋, 買盈富中移動中電都仲好過啦!!"

有錢太太: "咁又好似係...."

有錢人: "仲有呀, 賣左層樓, 係cash-on hand 百幾萬, 未賣層樓, 係capital value 兩百幾萬, 如果你想個個月有 "糧" 出, 我個個月比返幾千蚊你, 當我租你啲錢去洗嘞!!"

有錢太太: "去死啦你死佬!!!"

賣出放租樓A

早於兩個月前 (大概是2012/08左右的時間吧) , 有錢人見樓價升得咁上下, 已經產生賣樓念頭, 當時陪朋友C睇樓時 (9月頭), 同地產經紀傾開計, 大家都認同, 我的放售價不算過份, 但市場仍有差不多的選擇, 在無得睇樓的情況下, 買家 (尤其是自用人仕)一般都不會太進取, 所以等一下 (可能三兩個月)就可以到價出售,

況且, 我是有租金正現金流的狀況, 是真正沒有得輸的. 孫子兵法有說 :"勝兵先勝而後求戰，敗兵先戰而後求勝", 在完全沒有賣出壓力的情況下, 真的是輕鬆自在.

因果~~~先有因, 後有果!!

每個人都是獨立不同的個體, 大家都有不同的性格, 習慣, 喜好, 所以每個人的人生都是精彩的, 我們不需要也不可以複製其他人的生活經歷. 在個人的投資操作也一樣, 有些人是選股王, 喜歡研究股票公司, 尋找出有投資價值的公司, 每每投資都有斬獲; 也有人是樓神, 買入賣出轉手可以賺幾十%

然而, 大家看到的就是這些 "結果", 重視的也就只是這些果.....

有錢人期權倉 - 2012年10月份建倉

踏入10月份, 紀錄建倉情況:

941 中移動 (09/28 收市股價 $86.05):

$77.5 SP @ $0.1867
$80.0 SP @ $0.2373
$82.5 SP @ $0.4

$90.0 SC @ $0.64
$92.5 SC @ $0.2933
$95.5 SC @ $0.145

共收期權金大約 $14,000 


現時戶口仲有50%購買力, 用以備用作股價波動之按金需求及相關之買賣運作.

做個有錢人之路~ 2012/10/03

今天是2012/10/03, 距離 "起步" (2010/04) 已過了29個月, 又是時候回顧我的 "有錢人之路"了. 我的財務現況:

借錢的選擇

近日多了不少銀行同信用卡公司打電話比有錢人, 問我借唔借錢, 佢地大部份都係定期定息定額式還款, 雖然佢地話自己係"免息", 只收手續費, 但你理得佢用甚麼名堂收錢鴉.... 簡單點, 總之我借你十萬, 加加埋埋我要還比你嘅係比十萬多幾多, 再計返個年期, 咁就清清楚楚利息支出嘞. 然而, 呢條數竟然好多人都唔識....??!! 究竟係唔係識, 定係唔理呢?

超級即日鮮孖展

原來, 玩股票期權, 仲可以現埋超級 "0"底押孖展... 真係好玩過過山車!!!

小孩的投資 (二)

上一篇文章小孩的投資 (一) 講及, 原來在香港養育一個孩子, 大約需要百幾萬. 當然, 我的計算裡沒有住屋支出, 但小孩一般跟父母同住, 就當他是"租"了一個床位, 收$2000/ MTH, 22年就是$528,000, 加埋洗在他身上的百三萬都係180萬左右姐.

如果要洗到四百萬, 其實已經係豪養了....

小孩的投資 (一)

現今年輕家庭大多是小家庭居多, 一般都是一至兩位小孩, 所以, 每一個小朋友都是寶. 面對著自己的寶貝, 很多大眾都被李麗珊的廣告「洗腦」，養一個小孩要400萬？！ 

那麼，我便有800萬「債」？如果生多個，o...千二萬！

網頁廣告

有錢人寫blog, 雖然完全是為了記錄自己的投資生活, 但也想為這個社會做一點點貢獻, 所以之前申請了 adsense在自己的blog裡頭賣下廣告, 而所有廣告收入, 將全數捐贈予慈善團體, 為了讓自己知道捐了多少錢, 我也會把捐款紀錄下來, 一來可以做一點善事, 二來也可以在朋友面前 "威威", 哈哈!!!!

NO PAIN NO GAIN

最近, 公司有位年青人N向我辭職, 他說離職後會去幫朋友一齊返大陸攪生意, 起初我聽他說自己想出去闖一闖, 所以跟朋友返大陸看過他的生意, 覺得自己有機會發揮, 然而, 當我問及更多的詳情時, 發覺他的所謂 "生意", 很有可能是他的朋友的騙局. 我問了N幾個有關內地做生意的問題, 以及他對該公司的認識時, 他根本答不上半句.

我看著N說他如何 "相信"這位所謂朋友, 又要到會投資多少錢去他的公司... 我看到的, 是一頭迷失了的羊...

上車客

樓市升到今天的地步, 都可以說是超越有錢人的想像. 有錢人已賣出的自住樓, 由年頭的250萬, 到半年後的今天, 相近質素的單位竟然可以叫價290萬, 甚至上到300萬都有, 令到有錢人身邊有能力買樓但未有樓的朋友都紛紛想是否時候買樓自住? 未來還會升嗎?

有錢人期權倉 - 2012年09月份加倉

有錢人期權倉 - 2012年09月份建倉 之後, 事隔一個星期, 有錢人追加:

as at 2012/09/10, 941 中移動 (股價 $82):

$77.5 SP @ $0.4225
$80.0 SP @ $0.45 (追加了)
$82.5 SP @ $1.83
$85.0 SP @ $0.20 (追加了)

2800 盈富基金  (股價 $20.5):
$20.0 SP @ $0.25


388 港交所
$95.0 SP @ $0.32
$97.5 SP @ $0.48
$100.0 SP @ $1.2

追加原因, 無他~~~ 貪心也, 經過一星期的觀察, 盈富$20.0 同港交所的 $100.0都未必會跌破, 即是權金應該會食光了, 所以轉沽近價少少的$80.0 中移動, 如果跌破$80蚊要入貨, 息率預期都有 4%, 進可攻退可守.

有錢人期權倉 - 2012年09月份建倉

踏入9月份, 紀錄建倉情況:

941 中移動 (股價 $83.4):

$77.5 SP @ $0.4225
$82.5 SP @ $1.83 (這是貪心的決定)

 
2800 盈富基金
$20.0 SP @ $0.25

 
388 港交所
$95.0 SP @ $0.32
$97.5 SP @ $0.48
$100.0 SP @ $1.2


今個月暫時只做了 SP, 更加入了 2800 盈富基金的SP 同388 港交所 的SP, 因為有錢人認為, 如果呢兩支股票真的跌落我訂的SP 價位, 有得買亦無妨, 無得買就收期權金囉.

做個有錢人之路~ 2012/09/01

今天是2012/09/01, 距離 "起步" (2010/04) 已過了28個月, 又是時候回顧我的 "有錢人之路"了. 我的財務現況: 

手續費的影響力

我們投資/ 投機都講求回報, 然而, 講到有甚麼東西影響回報就不得不提 "手續費"這東西.

大家買賣股票, 基金, 期權, 柯卵, 甚至樓宇.... 全部都有 "手續費"

這些手續費看似微少, 但加加埋埋的影響卻是絕不能小看:

給孩子的信 (七) ~~ 2012/08/21

親愛的孩子:


這幾個月以來, 為父都忙碌於為家中事務. 由上一次給你的信 (2012/02/01), 到今天的信也整整半年了. 當然, 我相信我們的溝通不只是以量多為之妙, 反是以質優為之妙. 我們每天的溝通, 很多時都以 "健康, 快樂"為開場白, 所以我確信, 你絕對能夠知道, 自己是如何身處在一個以 "健康, 快樂" 為基礎的家庭成長. 這也是為父對你的第一大願望.

Cargo Cult Science (草包族科學)

Cargo Cult Science 是出於一位諾貝爾獎得獎物理學家 Richard Feynman (費曼), 他在加州理工學院的一場畢業典禮演說時提醒同學做科學要有"科學的品德", 不要做"偽科學".

賣- 不賣 (二)

上一篇文章 "賣-不賣" 提及到賣了樓A的ALTERNATIVE, 現在就講講不同alternative的比較:

選擇有三:

1) Full-pay 一層細價樓;
2) 揸現金;
3) 買股票;
4) 其他投資....唔好意思, 未學、唔識、或者未有信心做得好!!

賣- 不賣

最近一次睇返自己層放租樓 (樓A)的銀行估價, 嘩 ~~~ 已經跳升 260萬, 比起我買入價多左成一百萬. 跟手時同有錢太太講起, 有錢人有個想法, 就係依家賣左層樓去, FULL-PAY 換入一層細價樓 (樓B). 所有租金收入淨袋.

做個有錢人之路~ 2012/08/01

今天是2012/08/01, 距離 "起步" (2010/04) 已過了27個月, 又是時候回顧我的 "有錢人之路"了. 我的財務現況: 

夢想與現實之間...計劃與行動

有錢人在有關財務自由的目標是:

擁有一千萬元淨資產, 每年產生30萬元被動收入.有錢人希望自己可以在50歲前達到 ~~ 最好45歲前

目標能否達成涉及很多因素, 包括: 經濟成長, 投資回報, 工作穩定, 家庭穩定, 有沒有意外, 仔女生唔生性.......很多的外在因素也有機會影響其成功, 但是當中最重要的就是 "計劃" 與 "行動", 這只是有關於有錢人自身的關係而己

其實, 有錢人除了有一個財務自由的目標以外, 還有7年計劃及 3年計劃, 而且有更遠大的理想、夢想, 這些計劃都幫助有錢人去努力做好一個人.

周星馳在 "少林足球"的一句好有意思:

做人如果冇無夢想, 同條咸魚有咩o野分別呀!

強積金 201208

每次見到個強積金戶口, 都要講句 WHAT THE FUCK!!!

用股票期權賺零用錢的原理

有錢人曾經講過, 在期權市場上賺小錢是可以, 只是賺大錢就要承受高風險, 我相信對大部份投資者, 尤其是對新人來講, 這是很難理解的. 然而事實上原理就很簡單... 我地收錢為他人承受風險 ~~~~ SC 及 SP

"以前"買樓與"依家"買樓比較

"以前"的定義, 有錢人將之定性為89年之後, 95年之前吧....

就讓我們一起比較下 "當年" 同 "今日":

有錢人期權倉 - 2012年08月份倉位

上次補返紀錄有錢人7月份的期權倉, 依家紀錄8月份的建倉情況:

全部941 中移動:

$77.5 SP @ $0.114
$80.0 SP @ $0.242
$92.5 SC @ $0.49
$95.0 SC @ $0.3764
$97.5 SC @ $0.133

有錢人的建倉方法是上月尾先做3份1, 到依家月頭已經賺了少少時間值, 風險在於上落有機會因為結算日而擴大波幅 ~ 故安全計亦只做 3份1的資金. 就好似呢幾日, 股價升上$91, 我的 $92.5 SC 就蝕住擺, 但因為我的機制係升/跌穿行使價外多一個價位, 所以唔會理 ~~ 只不過升勢引來的後果係按金加大, 所以直到昨日先有把握同資金做多少少其他價位的 SC / SP.

根據有錢人計算, 以我呢個建倉做法, 就算不幸股價大升過$95 或大跌到 $77.5以下, 如果到時我無信心, 只要我即時全部平倉, 咁就會打和....即是, 坐和望贏!!

(睇下我又係唔係真係得先)

有錢人期權倉 - 2012年07月份紀錄

有錢人睇返自己的期權倉紀錄, 發現自己原來無POST過7月份的倉位, 依家補返先:

中移動股價由6月尾大約 $82.8 到7月尾約 $90.0, 有錢人只在07/03 左右幾日做了一些交易, 當時股價大約 $86.9 (對比6月尾升了 $4.0)

$80.0 SP @ $0.17
$90.0 SC @ $0.14
$92.5 SC @ $0.13

以權金對比按金計, 大約3% 回報 ~~~ 期間當然有不少波幅, 尤其月尾有一兩日超越了 $90.0, 但有錢人沒有平倉, 因為未升到 $92.5的止蝕位, 然後股價回落至 $90.0 以下, $80.0 以上, 權金全數袋袋平安.

置業是投資? 是消費?

置業是投資? 是消費?
這個問題已經被廣泛談論過, 有錢人以前也都講過下 (2010/06/05: 買樓自住 vs 買樓投資)...

點解買唔到樓?

近日又見到報紙報導樓市如何令人苦不堪言了...
http://hk.news.yahoo.com/買400呎市區樓-須不食不用11年-224908341.html

回應網友 - 賢

網友賢在 "說到做到 - 開始盈富操作基金" 提到一些問題, 很想跟大家分享, 也藉此回應賢:

BY 賢:
多謝讚賞,其實我剛開始出黎做野,預計每個月大約可以供3千到,相信近十年都可以唔郁筆錢,對股市亦冇咩認識,以下幾個問題想請教下:

1. 將全部錢投資盈富,可行嗎?
2. 應該月供定儲幾個月逐手逐手咁買?如果按你所講,我將"一單位"訂為一千,適合嗎?
3. 透過咩途徑買盈富比較好?銀行,經紀 or証卷行?其實分別大唔大呢?
4. 除左投資盈富,有冇其他建議可以比到我?

通漲與退休

一直以來, 有錢人都有以下"退休"指標:

擁有一千萬元淨資產, 每年產生30萬元被動收入.

有錢人希望自己可以在50歲前達到 ~~ 最好45歲前

但是, 這個世界有一樣嘢叫做通貨膨漲, 佢係會把現金的購買力減低的. (原因唔洗我講, 請去圖書館、GOOGLE SEARCH等等自己搵啦). 以前有錢人細個喺屋邨的時候, 魚蛋只係5毫子一串仲有十粒添, 依家?! 呢啲就係通漲嘞.

借錢投資201207

上年11月, 有錢人借入短債, 玩左幾個月去到今年2月,  因為要換樓, 為了借按揭上更安全, 所以當時清還所有債務以騰出空間, 現在一切都成定局了, 有錢人再借入新錢. 今次不是計劃一年時間內清還了, 而是計劃分5年時間清還, 計算所有現金回贈, 送乜送物之後, 有錢人計算過, 今次的實際利率為5.5%, 即是P+0.5% ~~ 定息, 定額還款. 如果以私人貸款計算係唔錯.

地獄黑仔王, 你是最幸運的!!

最近睇報紙, 有好多炒乜炒物搵到幾多幾多錢的新聞訪問報導. 有一些更加是年青一代, 他們被神化為 "少年股神"之類的稱號. 然而, 有錢人不知道當中有幾多人曾經試過投資失敗, 又或者是每次都是靠其完美的分析加上正確策略得到大勝結果. 但無論如何, 賺錢的人就是賺了錢吧.

一個投資人, 要最少有一次牛熊交替的經歷才算是有經驗 (無十年都要有八載), 在一個短時間內可以賺錢的人多的是, 多多少少講運數, 近年樓市飛升, 能夠在樓市中賺錢的人多的是 (有錢人都在此浪中得到唔少租頭), 但要知道, 可以順勢而行是一種福氣.

如果大家返回2003年, 比你有三百萬現金, 在當時你敢唔敢, 又有無心情買樓? 買股? 如果你係可以經過分析之後去買入的, 你就是真正的強人了!!!

中國銀行又有壞帳爆出, 匯豐洗黑錢!

今期焦點係銀行, 繼上星期建行爆出30億上市公司壞帳之後, 呢兩日又有匯豐在美國墨西哥洗黑錢事件.... 有錢人打死都唔信高層全部唔知情, 肯定一早知咩事, 只係為左賺錢, 偷雞唔做嘢唔監管, 依家偷雞唔到之嘛....

買銀行股、金融股的最大風險就在呢度, 因為佢地係百業之母, 真係做甚麼都要靠佢, 所以一般都係買入並持有的股票, 但一旦爆一爆又會好多 "引申波幅"... 雖則如此, 有錢人仍然認為, 內銀股始終是值得信賴的股票, 因為阿爺唔會唔派息比我地呢班市井之徙.

建行壞消息一出後, 全線內銀股價應聲大跌, 有說不知仲有幾多幾多壞帳收埋未爆喎... 有錢人就咁睇, 以現時內銀派息都有6,7厘, 就算減半都有3厘幾, 都唔算太差鴉, 有錢的話買返多少放下落床下底囉, 當然, 唔好訓身啦, 否則, 就算唔死, 得閒比啲"引申波幅"你睇都夠心掛掛吧...

週身刀與專注

有錢人有一位多年的朋友 ~ KM, 有錢人與他可算是識於微時, 由小學到中學, 這位朋友不是讀書的材料, 及後會考只得幾分之後, KM的父母就送了KM去外國讀書了, 希望他去外國"浸"幾年,點都可以有大學收, 然後拎返個學位吧, 可惜, KM就是考了兩年也入不到大學..到第三年也不能, 只可以去讀一些文憑之類的課程. 然而, 在外幾年間, KM已經讓父母洗去百外萬的費用了 (還好,KM屋企也有些錢可以付擔得起...) .

你想樓價升定跌

很多人以為, 在年初時出現歐債問題、美債問題、中國經濟增長放緩等等不利因素, 有可能令到樓市下跌或是調整下, 但到現在回看, 又好似無甚麼影響般, 之後又有說振英哥上場也許會有一番風雨, 但現在上場一個多星期, 他的團隊反而說只想樓市平穩發展, 不希望樓市大升大跌云云....

作為散戶的我, 又用甚麼心情去面對這樣一個市況呢?

做個有錢人之路~ 2012/07/01

今天是2012/07/01, 距離 "起步" (2010/04) 已過了26個月, 又是時候回顧我的 "有錢人之路"了. 我的財務現況: 

韓國愛的故事

有錢人早年去韓國旅行, 導遊說到現在的韓國年青一代, 比起上一代對北韓的感情已經淡化了, 所以對於統一南北韓也沒有以前的強烈渴望. 其間, 他說到一個故事, 令有錢人十分深印象.

你的消費決定你的未來

第三層樓收樓了, 有錢人也回顧了自己路 (5年內細屋搬大屋 (一) / 5年內細屋搬大屋 (二)). 回想這幾年的生活, 雖然算是節儉, 但卻從沒有要委屈自己去遷就自己的計畫.

當每次同朋友傾計時, 很多時朋友都會講笑咁講, 有錢人呢幾年好似識變錢咁, 食又唔覺佢食得差, 用又唔係用得差, 樓就買完一層又一層, 問到人工又話唔係比朋友高... 咁何來會有分別呢?

330 思捷跳船事件又來了

有錢人上年第三季正式把330思捷打鈀 (2011/09/16 令人失望又憤怒的思捷 - 打鈀!!), 唔理好醜蝕幾多都要走, 原因係佢老頂不務正業, 胡亂吹水放劍!!

大半年後的今天, 芬佬老頂玩完走頭了, 陣中管治強人 Hans都正式離職散水, 走馬送柯清輝上場. 老實講, 以前柯先生做大班時我都幾BUY佢講嘢做嘢, 但自從佢老人家開始玩中策 (235)之後...

思捷, 就好似一個等死的老人家咁, 等待股價跌到死之後都比芬佬孖沙入股拆骨煎皮分豬肉,
如果佢跌到得返 $2 ~~ 我會再做佢股東!!!!

為何我不是巴菲特

有錢人當然不是巴菲特, 但就算問我想唔想做巴菲特, 有錢人也會答你 "不想", 先不論去到佢咁有錢時會不會被綁架, 或是做乜都被人影住之類的問題. 而是要做巴菲特, 並非我們所能及, 也不是我們所願.

我們的眼晴常常都會選擇性失明, 我們的腦袋也會選擇性失言, 因此我們看人就往往只看到他人的正面或負面, 絕少是倆面都去看.

5年內細屋搬大屋 (二)

上文提到有錢人在這幾年的整體變化, 令到有錢人可以細屋搬大屋, 現在就更詳細地記錄有錢人的現金如何 "變出來":

5年內細屋搬大屋 (一)

有錢人買了新樓多個月, 今日終於正式收樓了, 今天拎鎖匙入屋的一刻, 感覺又回到第一次成為業主時一樣... 又興奮, 又緊張...:

回看自己做了甚麼事, 所以有今天, 週不時就回顧一下, "三省吾身".

有錢人期權倉 - 2012/06/08

上個月五月份, 有錢人本來可以正正常常咁收到3%-4%的權金, 點知自己唔生性, 貪字得個貧第二集, 最後全月埋單只是小勝一千左右埋單... 今個月因為有錢人新屋用錢, 所以預留多了現金十萬從期權戶口拎走備用, 期權開倉無乜錢了, 只是做了少量sc + sp:

全部都係中移動即月:

$70.0 sp @ $0.22
$85.0 sc @ $0.23


現價大約$79. 如果嚟緊幾日價位上升, 有錢人會再做多些 $87.5 sc 甚至好價的話就做 $90.0 sc;
無錢時, 安全邊際比回報預期更重要!!

買股票 ~ 往績與預期

最近同做股票行的朋友食飯, 他們都說最近個市好靜, 食多半個鐘飯先返都無乜所謂. 咁又係, 全日成交得三四百億, 同高峰時日日都過千億又點可以相提並論呢? 不過, 個市淡淡靜的時間就更值得我們細心想, 慢慢諗自己的投資.

"It's not how good you are, It's how good you want to be" - Paul Arden

MARKETING 界明人- Paul Arden寫的
"It's not how good you are, It's how good you want to be"

西班牙的泡泡

從2007年匯豐銀行公報自己的 "次按問題"開始, 到2008年雷人兄弟, 到美國QE原子彈 1,2號, 中國阿爺4萬億, 然後加埋歐聯國債大戰 ~~ 最近, 希臘國債臨近爆煲邊, 這些金融風暴得閒就會走出來玩下我地. 上星期又到西班牙有銀行被國有化了... 對我們又有甚麼啟示呢?

貪字得個貧第二集

之前有一篇文章 "貪字得個貧", 講自己如何在末日期權貪小便宜, 當次最終結果是因為貪心而失落百幾點;

今次第二集, 都係與 "貪慾"有關的, 結果也差不多, 都是損失...

轉寬頻 (又係電盈惹的禍)

之前的 "生活經驗與投資價值" 講過有錢人去pccw 同去 smartone買電話的經驗, 今次到boardband了.

"一個人對待一樣事的態度, 等於佢對待所有事的態度" ~ 原來呢句說話放在服務機構都可以成立的.

做個有錢人之路~ 2012/06/01

今天是2012/06/01, 距離 "起步" (2010/04) 已過了25個月, 又是時候回顧我的 "有錢人之路"了. 我的財務現況: 

回應網友: Petertang

最近收到網有petertang的留言, 很想跟大家分享, 也藉此回應petertang的.

by petertang:
我仲有一年就畢業, 依家放假就想學點投資

我準備六月開始月供2800 同 2388
有冇建議可以俾我d新手:)

其實我不斷係圖書館借書睇,d書成日話估值估值揾間好公司,但具體點做真係唔知.請問你當時點樣由冇到有咁去投資.


thx
= = = = = = = = =

我們父母輩的致富系統 (三)

有錢人與父母, 在未有得住公屋之前是租樓住的, 一屋兩伙人, 共用廁所, 因為我們只夠錢租了一間房間, 幾十呎就住了我們一家4口了, 生活起居都待在那兒, 但當時很多家庭都如此生活, 也沒有現在的甚麼抗議沒有得上樓, 要住蝸居之類 (我覺得, 比起港英政府, 現在自由多了).

還記得我們家也曾被賊人光顧過, 好似損失了些少現金及一條金鏈呢.

我們父母輩的致富系統 (二)

看看我們的父母輩, 他們的 "致富"之路, 其心法都只是一些很簡單的理念, 就是 "唔想搵錢".

好多人都想"致富", 但問題是"致富"是否等於 "努力搵錢"? 原來這當中不存在等號的. 如果 "致富"就是等於 "搵錢", 那搵錢最叻的人就是最有錢的人了, 但事實卻不是. 最富有的人不是賺錢最叻的人, 而是最懂得追求夢想的人.

我們父母輩的致富系統 (一)

近期電視節目的熱話, 已經由盛女轉變成秋官的心戰, 因為秋官的秋官效應, 今個月股市應聲下跌兩千點, 秋官真係次次都有料到? (又睇睇下次有劇上畫時點樣). 不過, 有錢人想講的唔關秋官套劇事. 而係我我父母輩如何 "致富".

積少成多 慳得就慳

很多人都會對自己擁有的能力過份自信, 但對於自己的未來又過份悲觀. 就以理財為例子, 我們常常都會期望自己可以一朝發達, 或是可以在短時間內得到很高的投資回報, 又或是可以大額增加儲蓄率. 但大部份這些期望最終都會失望而回.

睇公司 買股票

有兩句說話時常都可能正確, 可能不正確:

"時勢造英雄" / "英雄造時勢"

亂局下的操作- 20120521

最近歐債又升溫, 德法口講唔想希臘死, 但我相信心嗰句係 ~~ "要死早啲死, 仲唔該死開啲"!! G8無料到就預左嫁啦. 所以個市由月頭兩萬一千幾點, 跌到依家萬九點唔夠.

根據經驗, 現在的價位是 "抵買", 即是可以開始加大小小投資額 ~~ 如2800 盈富基金操作, 但不要去得太盡, 可以耐心等待跌得更深才買得更多.

根據有錢人的操作系統, $18才值得買3倍資金, $18以上都只是2倍資金. "戒急用忍"是成為真係有錢人的心法.

期權方面, 都是以價外3個價位為主打, 工行跌得較多, SP 有機會要接貨 (但都比我再之前的入貨價為低) , 就算 $5買入, 息率亦有 5%, 買入無坊; 中移動就暫時未有到價的 SC/ SP.

財務自由 ~由珍惜開始

近的世界新聞大事, 除了國家的主權問題之外, 就是歐債危機了. 而當中就以希臘的債最為觸目, 原因不是他們的債多 (沒有國家的債多過美國了), 而是他們的態度. 在最近的選擇中, 看來希臘人是希望可以懶債. 本來, 借錢給他們的機構都已經 WRITE OFF 5成了, 但窮光蛋就是窮光蛋...無懶就是無懶.

強積金 201205

由上次9月回顧自己的強積金戶口至今, 沒有任何操作改變...

新資金100% 投放在恆指基金,

現有資金 15%增長, 85%恆指.

有錢人的公司用恆生最基本的強積金服務, 只有5種基金選擇...

期望"強積金自由行"快點來吧...

獨步股壇

獨步股壇 How to Trade in Stocks - Jesse Livermore

回應網友: keith

在 消費率與未來 一文, 網友 Keith 有一些分享:

財務自由與二世祖聯想

有很多人見到其他人比自己"富貴", 就會想 "如果我都咁有錢就好嘞". 有錢人都經常有這些念頭... 睇NBA, 會幻想自己可以入樽的話, 會十分有型; 見到路上有人揸發拉利, 就會諗, 如果我都可以擁有發拉利就好咯....然而, 當靜下落嚟細想, 原來, 自己擁有的, 已經是我值得擁有的了, 多了, 是我駕馭不了的.

消費率與未來

近期, 歐債危機又再升溫, 原因是歐洲開始有不少國家的人民不安份於要行緊縮政策. 其中最明顯的就是法國和希臘, 法國總統換班, 由反對緊縮政策的奧朗德上場, 希臘就有機會由最落力反對緊縮政策的反對黨執政, 到時希臘真係有機會違約賴帳, 做第二個冰島... 其實, 這些國家的債, 雖然原因可以說是千頭萬緒, 但當中又可以簡單地解讀為支出大於收入.

資產價格升跌與現金流

最近全球經濟政治又有新發展, 令到股市波動加大, 有不少股票也因此而又被舞高弄低, 害得不少散戶又要蝕錢走人...

無論大家是投資、投機與投運 是但一種, 其實都係想賺錢, 只不過在賺錢的過程裡面, 又有沒有想過, 賺錢是由於資產價格上升的, 定還是增強了現金流呢?

儲蓄與投資分配

有錢人最近公私兩忙, 花不出太多時間學習研究不同的投資項目及領域, 只夠時間可以在現行的項目上不斷檢視及更新操作.

搬屋在即, 有錢人一有時間就會"回憶" 在這個家的點滴, 在最近的資產增長回顧中, 有錢人重新檢視自己的資產回報, 總結了一些事情及經驗:

有錢人的股票投資 2011-2012

剛剛回顧自己的資產組合變化, 其中股票在過去一年改變頗多, 有錢人的股票倉由滿倉到差不多空倉. 當中經歷過的與原因, 在這裡做一個簡單紀錄, 以便日後回顧、反省及調整.

做個有錢人之路~ 2012/05/01

今天是2012/05/01, 距離 "起步" (2010/04) 已過了24個月, 不知不覺兩年了, 又是時候回顧我的 "有錢人之路"了. 我的財務現況:

現在買樓的供樓負擔

+x哥經常都同大家講, 買樓自住, 只要有能力比首期同供得起, 幾時都係入市時機. 有錢人好同意呢一個想法, 而且, 加多一句 ~~~ 越早開始就越好... 有錢人好好彩識到有錢太太, 當年佢唔嫌我人工低, 又唔嫌我無蓄錢, 同我夾錢買樓, 依家佢都算係守得雲開見月明. 起碼我依家份人工都夠供起晒全家樓按再加生活開支, 而再加上有錢太太工作也有不錯的收入, 所以生活雖不至於富貴, 但也頗鬆動的.

換樓準備, 大致完成了

有錢人的買樓計劃2012上一篇 (第四篇)是賣樓 ~~~, 在本月中已經完成, 剛好銀行又已經批出新樓的貸款plan.

有錢人期權倉 - 2012/04/27

今個月又到尾聲了，有錢人的期權倉基本上都係無驚無險，靜靜收錢。

投資鑽研福利不如早開始投資

最近有說，香港公屋申請人數突破17萬，其中大約4萬人為80後，即是大約每四個申請人當中就有一個是80後的青年人。我雖然認為有能力的人，不應該依靠政府的幫助，但現在確實有不少年青家庭是沒有罝業能力但有住屋需要的，所以對於年青人申請公屋，我是持開放態度的，但對大學生或一些僅滿18歲就為了"擁有自己的天地"而申請公屋就絕對反對，這不是權利、合不合法或是可不可以的問題，而是應不應該以至人生目標的考慮。

有錢人期權倉 - 2012/04/02

經過上一個月的腥風血雨, 有錢人有不少SC都陣亡了, 令到有錢人對上幾個月賺到的權金也差不多一筆勾消 ~~~ 不過, 這正正就是我所講過, 平均每年總有一次轟轟烈烈地無20%.

無乜錢的人的最安全投資 ~ 月供股票

好多人想投資, 但自己又唔係好多錢, 連一手匯豐、中移都買唔起, 又唔知從何入手, 好多時都只草草的買入一些"高息外幣"呀, 儲蓄保險呀, 其實, 作為一個無乜錢的人, 就應該更加珍惜自己的錢, 也要學習時間點樣幫我地賺錢.

上車盤的買樓準備 (二)

上一篇文章 "上車盤的買樓準備 (一)" 提到, 原來依家買上車盤只要 $30萬就一定攪掂, 只是點攪$30萬而已...

在此之前, 其實更要計一樣嘢, 就係點供; 如果大家死搵爛搵幾廿萬返來買樓, 點知供兩供發現有問題供唔起, 真係連本帶利甚麼也沒有. 所以先計計自己供唔供得起再講搵首期.

上車盤的買樓準備 (一)

身邊不少年輕人, 當有錢人問他們想不想買樓, 他們都會答 : "想, 但依家啲樓好貴, 買唔起"

最低工資檢討

眨眼間, 最低工資實施差不多一年, 又到了檢討的時間, 現在又是政府、商界、以至勞工界別人仕討價還價之時.

有錢人一向認為人們之所以能夠增加收入改善生活, 是因為自己的能力提升了, 所以能夠做得到更多, 致使回報增加, 若然能力沒有提升, 也不願意付出更多 (時間或心力), 回報自然就只可以隨著經濟活動的變化而改變 ~ 時而上升, 時而下降. "結果與回報"是掛鉤的.

做個有錢人之路~ 2012/04/01

今天是2012/04/01, 距離 "起步" (2010/04) 已過了23個月, 又是時候回顧我的 "有錢人之路"了. 我的財務現況: 

老爸給我的最後一份禮物

老爸給我的最後一份禮物  ~
- Janis Abrahms Spring and Michael Spring

太陽底下無新事

最近, 中移動 (941) 的股價好似坐過山車般, 由一月份的$75 - $76, 升到 $86 - $87, 更有大行話睇好甚麼甚麼業務增長, 看來要升破 $90, 甚至會去到 $95. 其實, 唔知又比佢嚇死, 知就比佢笑死. 根本上, 中移動的業務發展近年來都是平平穩穩的, 沒有甚麼驚喜也不會無端跌落谷底, 如果我們真的如大行或是財演講的做, 大底又是坐艇一族了。

財富、富足與財務自由

每個人一生人裡面, 會有好多唔同的追求, 唔同的年幾也會有不同的夢想, 當大家去追求自己的夢想時, 財富往往是一種有效的工具去幫助我們達成夢想, 是故 "財富管理"是十分重要的. 但是, 在我們認為財富是重要之先, 我們更要明白為何它是重要的, 這點卻是很多人都遺忘了的事, 在確定自己要得到財富的同時, 卻忘記了自己為何要追逐財富, 那是多麼可悲的捨本遂末的故事?

<桃姐>

最近看過桃姐這一齣電影, 有錢人一向唔多入場睇戲, 原因是有錢人一向對震撼場面無甚興趣, 所以一切講求偉大場面的電影我絕少入場, 而近年故事劇本吸引的電視又買少見少, 加上有錢人的時間也沒有多少剩下, 可以奢侈地輕鬆地看一齣戲... 正好最近有一個時間, 可以看一齣戲, 在 桃姐、鐵娘子及大追捕之中, 我選擇了桃姐 ~~~ 原因是我喜歡它的故事 ~~ 一個普通但窩心的平凡人故事。

致富是一個系統

柏竇 薜佛 (Bodo Schafer) 在其多本著作經常提到, 致富是一個系統.

東京鐵塔：老媽和我，有時還有老爸

東京鐵塔：老媽和我，有時還有老爸

有錢人期權倉 - 2012/03/08

由於要買樓, 所以股票已賣淨2800 盈富同1688爸爸等收錢. 反而期權在短期操作上有較大把握回報更高, 所以會留有到月底結數:

現金流安排 ~~ 一闊三大

在做個有錢人之路~ 2011年結中, 有錢人對2012 許下希望:

"展望2012, 有錢人希望:
1. 買車, 家庭型七人車;
2. 買樓, 舒服型3房, 實用要有700sf 以上;
3. 公司加人工 3成, 投資回報 50%;"

做個有錢人之路~ 2012/03/01

今天是2012/03/01, 距離 "起步" (2010/04) 已過了22個月, 又是時候回顧我的 "有錢人之路"了. 我的財務現況: 

1688 阿里巴巴私有化

上星期阿里巴巴復牌後正式宣佈其私有化計畫, 以 2007年招股價的 $13.5代價私有代阿里巴巴, 原因是:

"由於公司實施策略轉移規劃，以及對近期增長計劃的影響，可能持續導致投資者對股價看法與要約人對公司長期潛在價值看法之間出現分歧，在私有化後，要約人和公司將能夠以長期利益為重作出策略決定，而不會受公開上市公司所涉及的市場期待、盈利可見度和股價波動的壓力"

張潤衡 誠信危機

昨天, 看到 AM730 一篇文章, 感觸良多...


http://www.am730.com.hk/article.php?article=93392&d=1692
吹脹80後 - 張潤衡
誠信危機 (2012年02月22日)

買樓計劃 2012 (四) ~ 賣樓

上次 "買樓計劃 2012 (三) ~ 財務安排" 提到, 有錢人一定要賣樓先有足夠的現金作首期, 以及在還款比例上才更容易過關. 以得到銀行的樓按貸款.

修身 齊家 治國 平天下

《大學》
...古之欲明明德於天下者，先治其國。欲治其國者，先齊其家。欲齊其家者，先修其身。欲修其身者，先正其心。欲正其心者，先誠其意。欲誠其意者，先致其知。致知在格物。...
= = = = = = = = = =

林書豪 20120214

有錢人一向都是籃球迷, 但呢一年因為NBA的勞資糾紛太耐了, 也沒有多大興趣看NBA. 但最近因為一個名字, 讓我再度關注起NBA 的新聞, 這個名字就是 ---- 林書豪 JEREMY LIN

林書豪這個名字, 在1月的時候還是沒有人認識 (包括有錢人), 但今天, 他卻是無人不曉的 "明星"了;

關於他的故事, 有錢人不想講太多, 自己看吧:

http://www.am730.com.hk/text/article.php?article=92163&d=1685

或者, 上YOUTUBE 打JEREMY LIN或者林書豪吧

= = = = = = = = = = =

買樓計劃 2012 (三) ~ 財務安排

上文 (買樓計劃 2012 (二))提到, 有錢人同有錢太太 (其實我地仲帶埋有錢囝囝)一齊睇完樓, 之後好快就決定成交了. 然後, 我們返到屋企就開始談論財務安排:

買樓計劃 2012 (二)

上文 "買車經驗 (二)" 提到, 對上兩個星期前睇過嘅樓, 有些雖然不俗, 但業主開價實在太高了, 令到有錢人即時打退堂鼓唔買樓, 連夜加緊力度搵車, 一個星期之內已經搵到心儀對象兼佳偶天成, 買左架七人車. 然而, 故事的發展真係風迴路轉....

買車經驗 (二)

買樓計劃 2012  提過, 有錢人開始物色物業, 最近上個星期亦都睇過幾個不同的盤, 全部都係有錢人最想買的size, 但是, 無一個係有錢人可以買得起, 或者應該咁講, 無一個係有錢人願意去買的, 因為業主的開價實在是人吃不消....

有錢人期權倉 - 2012/02/01

事先聲明, 有錢人呢個期權倉係真實倉, 但就唔係用嚟自製ACCUMULATOR同DECCUMULATOR 的. 純粹係要以錢搵錢, 以戰養戰, 沒有感情, 賺期權金的時間值, 一到價就會蝕住走.

分享經驗

雖然, 有錢人常說自己買賣股票期權是在 "投機", 但不代表我不用投資的角度去分析自己的預期回報率. 相反, 我更會以投資於其他項 (股票, 樓市, 基金...)一樣的心態面對, 絕不馬虎. 柏竇.薛佛在其書 (歐洲巴菲特投資賺錢策略) 說過, 致富其實係一個系統. "想要獲得財務自由，就必須找到一條穩當安全的途徑，在毫無後顧之憂的情況下逐漸累積自己的財富。"

股票買賣倆閒 - 持貨短評

最近, 恆指雖然回升, 而且一浪高於一浪, 但有錢人就反而無乜動靜, 原因是我一早已經差不多滿倉, 另外, 就係我的盈富基金計劃已經足夠做到我想要的回報效果了 (平均超過13%回報率) , 而已經入飽貨的又唔想添食, 加上現金又唔係多過人, 要攪, 都搵下啲短線嘢玩下好過啦. 所以有錢人借入短債玩期權, 實際年利率4厘, 因為呢筆短債係我現存可用現金的支付範圍, 所以就算唔好彩無晒都唔會攪到我週身蟻, 更何況有錢人會好好睇住呢筆錢.

給孩子的信 (六) ~~ 2012/02/01 - 誠信

親愛的孩子:


你己開始上學差不多半年了, 個人認為, 你的進步比我想像中更多, 我不知道這是每一個小孩都會有的進步, 還是你獨有的? 或還是歸功於父母及學校? 我想各方面都有關係吧. 為父最高興的, 莫過於每一天都見到你健康快樂地成長, 每一晚, 為父都會問你: 


"你快樂嗎?" ~~~ "快樂!!"
"你健康嗎?" ~~~ "健康!!"


每次聽到你笑著回答我的問題, 我感覺到, 父母的努力及用心付出是不會白廢的.


= = = = = = = = =

股票期權 ~ 有錢人的選擇

在經過差不多一年的時間學習, 分析, 參與, 失敗, 交學費之後, 有錢人開始掌握到自己在期貨期權方面的興趣 ~~  就是股票期權. 為何我會有此選擇? 因為我喜歡做莊, 也喜歡有"嘢"揸手.

買樓計劃 2012

最近, 我經常瀏覽地產公司網頁, 睇下近期樓市有無進一步回落現象, 發現雖然樓市成交開始減少, 但係未出現大量減價出貨現象, 呢個就正正係因為之前政府的SSD政策出台, 令到炒家無嘢可做, 剩下的, 唔係有實力的老細, 就係自住人仕, 呢啲人一向都係持貨力較強的, 即係話, 就算個市跌,佢層樓無人要, 佢都唔會輕易減價出貨嗰隻囉... 咁又會點影響有錢人的買樓計劃呢??

做個有錢人之路~ 2012/02/01

今天是2012/02/01, 距離 "起步" (2010/04) 已過了21個月, 又是時候回顧我的 "有錢人之路"了. 我的財務現況: 

股票選擇與股票期權選擇 (二)

上回提到買股票的選擇分收息股同成長股, 買呢兩種類型的股票, 心態上係完全唔同嘅, 但對唔同人, 同一個時間對同一隻股票, 又或者係同一個人在不同時間對待同一隻股票都可以係唔同類型....以前的中移動同依家隻中移動就係一個好例子.

股票選擇與股票期權選擇

好多時有錢人跟朋友講起股票同股票期權的事, 都會感到朋友間對期權有一個錯覺, 就係講買得期權都係同 "賭"一樣. 其實我並不否認期權係有 "賭"的成份, 尤其是當你係用買大細的心態 "估"佢升定跌嘅時候, 呢個 "賭"的本質就出晒嚟. 而且, 最令人不安的是, 坊間有太多太多"專家"教大家用期權在短期裡賺大錢了.... 呢啲所謂"賺錢課程" 說到尾就是 "賺你錢課程", 個人認為大家完全唔洗上堂, 就算是買那些所謂 "期權攻略"、"圖表 xx" 的書, 都可以慳返唔洗睇, 如果呢啲嘢係得嘅, 比你, 仲會出書咩?! 

你身邊有無人因為賭可以發達? 馬會門口啲阿叔個個都好努力 "咪"書, "咪"報紙, 賭波賭馬六合彩樣樣精, 但又有幾多個人贏到錢呢? 贏到錢嘅, 大部份都係有能力喺馬會會所開P嗰啲朋友, 佢地的玩法, 係同大眾完全唔同的....

股票期權的按金變動

之前每次講起期權, 有錢人經常說:

有一樣嘢要記住, 股票期權等都是有槓桿作用的衍生工具, 其最大風險在於會於突變市況下對現金流的需求(按金)變大.... 所以, 投機於此不可以用救命錢, 只可以用多餘錢, 而且仲要計好有安全邊際先好參與, 否則, 好容易會車毀人亡....

買樓計劃 -做功課 ~ 銀行查詢

之前同大家分享了未完成的 "買車經驗", 今次唔係想繼續呢個話題, 因為有錢人一早已經同車行的朋友講左, 唔洗為有錢人急, 因為我根本唔會急於在農曆年之前買車揸, 即係話, 有錢人唔會因為節日效應胡亂消費; 同時間以有錢人的經驗, 通常有車想賣的人都會願意在農曆年之後減價出售, 始終過時過節, 有架車揸住去邊都方便啲.

但有錢人唔同, 我係諗住 "長揸"的, 所以可以等得, 等到有靚車加靚價先會出手, 反正我返工都唔會揸車 -油費又貴, 車場仲貴, 加加埋埋分分鐘貴過我日日搭的士返工, 搭公共交通工具訓下覺好過啦.

閱讀 - 馬雲管理思想大全集

最近, 經常看有關阿里巴巴主席馬雲的事跡, 也看有關他的言論, 大部份都是簡體字書, 很少看到繁體字, 或許是因為阿里巴巴在香港不夠 "那些年"出名以及馬雲也沒有柯景騰咁靚仔吧, 書局熱賣的, 都離不開蘋果與STEVE JOB; "那些年", 陳研希及柯震東...很少其他的名人人物傳記...

很多人都說馬雲是常講道, 好似傳道者, 其實又真係有點點似, 但看過這本書之後, 又會對馬雲的佈道有另一種體會. 有錢人在看完此書之後, 也十分認同他的管理以至行商理念. 也更相信自己買1688阿里巴巴是沒有錯的選擇!!

廢股/ 點穴股的賺錢方法

好多人買賣股票, 看重的就是其股息以及股價升值, 但是在過往的幾個年頭, 大部份的股票都係浮浮沉沉, 由其是大家熟悉的 2628中人壽, 941 中移動, 1398 工行...呢類型已經大大隻又好似無乜增長的股票, 一般都被所謂的 "投資者"拋棄, 也唱衰了十萬九千次了。

買車經驗分享 ~~~ 未完

有錢人其中一個短期目標, 就係要在今年之內, 搵到一架七人車; 所以近日發放消息予不同渠道, 希望能搵到架啱心水的車. 而有錢人心目中都以TOYOTA的車款為首選, 因為在香港TOYOTA的車款二手價一般較硬淨.

賴雀 (NIGERIA) 騙案分享 ~~ YAHOO BID!!

最近, 有錢人嘗試在YAHOO BID 放嘢賣, 點知遇到騙徙 ~~~ 他就是惡名昭彰的尼日利亞網上騙子...唉, 得啖笑

他們好多時向貴價貨埋手 (有時平嘢都殺), 大部份說自己是SCOTLAND人, 但要寄禮物比住在老尼的孩子喎...真係講都已經懷疑. 本來有錢人都只是心生懷疑, 但佢竟寄來一封假銀行電信, 唉, 咁就穿崩啦, 有錢人用入面的E-MAIL 一CHECK, 再加上電郵內容.....嘩, 騙徙手法差劣之餘, 卻好努力地用同一方法, 期望有一兩個"善心人"中招..... 在此, 有錢人介紹以下幾個WEB-SITE/ BLOG比大家引以為鑒:

http://www.wretch.cc/blog/sweetbone/31341276
http://hk.knowledge.yahoo.com/question/question?qid=7010011001969
http://beta.beautyexchange.com.hk/forums/viewthread.php?tid=432163
http://hk.knowledge.yahoo.com/question/question?qid=7009061002155
http://ireport.on.cc/p/b5/web/Detail.jsp?bid=14644

其實仲有好多....
數目之多, 令我心寒了一寒, 估唔到佢地咁"勤力搵錢"...

共勉之, 小心!!!

做個有錢人之路~ 2012/01/04

今天是2012/01/04, 距離 "起步" (2010/04) 已過了20個月, 又是時候回顧我的 "有錢人之路"了. 我的財務現況: