跳出COMFORT ZONE (3)

跳出COMFORT ZONE (1) (http://poorhaves.blogspot.hk/2014/12/confort-zone-1.html)

跳出COMFORT ZONE (2) (http://poorhaves.blogspot.hk/2014/12/confort-zone-2.html)

 

之前寫完 “跳出COMFORT ZONE (2)” 之後, 一直都未有”的”起心肝繼續寫埋落去, 每天都只忙著工作, 陪屋企人, 以及其他的事情. 終於現在夜蘭人靜訓唔著覺的時候, “的”起肝寫埋我呢個 “跳出COMFORT ZONE (3)”

 
= = = = = = =

回說上期, 有錢人同朋友V從沒有GOOGLE的世界執返條命返香港, 感覺自己如火鳳凰般浴火重生了. 在真正感受到失去人生最重要的東西過後, 更加明白到自己要珍惜的是甚麼.

 

在外出的日子, 有錢人經常聽一首歌, 而呢首歌對有錢人來講又真係好鬼應景:

周杰倫: 稻香
https://www.youtube.com/watch?v=CmVAQbnpCHg

 

(有錢人建議, 如果你感受到挫敗, 不妨好好細味呢首歌, 找找你的家人及朋友, 尋找你力量的支持)

所以, 一返到屋企, 有錢人第一時間重重地擁抱著所有家人, 當時感覺好似好耐無見咁. 然而, 在休息過後, 有錢人又要面對一個重要問題, 就是找工作.

經過多次寄求職信, 見工,  見AGENT 也大大話見過有十個八個, 回覆都大致相同, 就是, “有錢人你想轉行嗎? 以你現在的情況, 真係有點困難喎, 不如你都係做返本行啦, 咁應該會容易點喎…” 之類的說話, 無論見工的HR/ 老闆又或是 AGENT都有聽過, 但有錢人就是堅決要跳出COMFORT ZONE, 不想走舊路先走出來姐, 點會肯返轉頭呢?

由於多次求職失敗, 加上由年頭到現在的現金流也一直是負數, 有錢人開始要對家庭經濟負責, 也因此開始降低要求, 叫做乜工都做, 雖然, 降低要求的回赧就是很快有工回應, 但有錢人始終都過唔到自己要HEA 做嗰關, 也不喜歡騎牛搵馬, 決定比多一點時間自己….

皇天不負有心人, 就在有錢人快要決定騎牛搵馬求其做住先的時候, 有錢人喜歡做的行業的公司竟然有回應, 最後有錢人也很爽快地答應了OFFER, “返工了”!

我想, 這真是我今次跳出COMFORT ZONE 的一個終點, 因為我在新公司要擴闊自己的能力領域, 行業也是我喜歡的.

《遊山西村》- 陸遊

莫笑農家臘酒渾，豐年留客足雞豚。

        山重水複疑無路，柳暗花明又一村。
        簫鼓追隨春社近，衣冠儉樸古風存。
        從今若許閑乘月，拄杖無時夜叩門。

當你覺得自己好失落/ 受抯折/ 沮喪/ 想放棄的時候, 聽聽 “稻香”, 看看些 “正能量” 心靈書, 甚至是古聖賢書 (墨子/ 四書五經/ 中外歷史書/ 名人傳記), 你會有很多得著, 也會有很多體會的. 最重要是,

 不要放棄, Never Give Up !!