今個月, 941 中移動比券商降低目標價, 促使其股價由月頭的 $90水平, 跳落依家嘅 $84水平, 最低被殺到去 $83.5水平...
有錢人的1月份期權倉組合, 當中有兩組 ~ 分別係 $87.5 SP 及 $85.0 SP, 本來就係為貪心而做的, 所以也不幸被打把了....因為跌勢好急, 前後損失了比預期嚴重, 如果今個月剩下幾日都係維持 $82.5以上, 今個都仲有幾千銀袋, 否則, 連 $82.5 SP都打埋把, 今個月就要負數了.
本人對於期權倉的睇法係以投機的心態面對的, 所以只會嚴守自己的止蝕規則, 雖然, 有時我的買入規則會被忽略, 就好似今次咁, 有錢人無跟從之前自己訂下的買入規則 ~~ 只沽3個價位以外的SP/ SC, 但止蝕原則沒失守, 所以一定死不了.... 如果我 "希望"股價會回復些少才平倉, 依家損失好有機會是兩倍, 甚至三倍或是更多, 因為見升買升, 見跌買跌係大戶以至市場的作風, 此做法只會只波動更巨大, 造成心理及荷包更大的負荷.
今次的經驗係, 自己訂下的守則一定要遵守, 尤其係對止蝕方面的守則必定要跟從, 因為要救命也是靠佢. 其實有錢人近期事忙, 已經遲左好多先平倉, 否則, 今個月已經係立於不敗之地, 但遲做總好過無做. 依家全倉較近價的也只剩下 $82.5 SP, 心情根本沒有負擔.
人生也一樣, 一定要清楚自己的位置, 更要為自己訂立一套底線, 超過底線的不做!!
.JPG)
業績有驚喜的超盈 (02111)
10 小時前
well said! 但$82.5 SP我好有壓力！因為仲有三日先期結，得返$1.5既距離！
回覆刪除有錢人,
回覆刪除希望在最後三天, #941會轉為升勢。前一排 @1299 也是的, 從 31 元幾一路跌, 跌到 29 元幾, 這二天轉為升勢後已重上 30 元幾, 接近 31 元了。想當初買 31和30 的 SP 如果蝕錢平倉, 不是很後門?
to home tree,
回覆刪除類似的經驗我試過很多次的,也有做紀錄自己點做...
如果以比例睇,因為蝕錢平倉的話,大概十次有會一兩次後悔,5/6次會慶幸自己止蝕.一兩次平唔平都無所謂(因為大概是平手而已) 但我地好多時都只重視了後悔的一兩次,而忽略了慶幸的5/6次,因為那5/6次也是蝕錢的,蝕錢也是不開心的,所以就忘了自己當時明智地"兩害取其輕".
不過,更重要的是:我地總體嚟計,個個月都有賺,所以有些組合蝕唔緊要,如果次次我地都贏晒,仲邊有人來用我地的"對沖服務"呢, right?
共勉之
有留意有錢人的期權倉,本人覺得你都玩得幾大,有樣想請教有錢人,如我想用5萬開倉,應該每月要賺幾多為之合理回報?
刪除TO EDEN,
回覆刪除算唔算玩得大就真係見人見智,我都只係用三幾十萬玩,每個月上落萬零兩萬,有意外也多唔過三萬,計落係幾個%的事而已,自己覺得係可控制同接受範圍.
投資/投機無乜話合唔合理回報,如果你有5萬開倉,新手的話,最好定在每個月賺2%-3%為目標,蝕也一樣,咁樣有助你降低風險.但最重要係你一定要做足功課及練習先好真金白銀落場,也要合理地預期有蝕錢的可能
多謝意見
刪除有錢人,我想問你個關於樓的問題。我經常聽人講加按層樓一開二;我有層自住細樓升咗一百萬,但唔敢賣,想加按80萬出來,但又供唔起第二層,買股,衍生工具又覺風險不適合我,得80萬冇所用!!你認為我應否加按,如加按錢可用於何處呢??希望俾少少意見
刪除如果我係你,我就一定加按,拎cash出來了比利息錢搵錢.因為歷史上好似未見有依家樓按兩厘息的日子,也很少有p-3.x,甚至h+0.x/1.x. 不過,每個人的投資capacity同用錢方式唔同,好難講得埋點做最好.
刪除如果你有意加按投資,咁你就要先求知再投資,加按定啲錢出來等機會也未試不可,只係,你要真正出手投資之前,一定要有充足準備,否則你就係在投運了.
意見供你參考
謝謝有錢人意見
刪除這個月我也做了SP87.50，在25/Jan搬倉至2月和3月。壓力應該不大吧。
回覆刪除