跌市下的股票回顧 2015/09 -

呢兩個月的股市真係"激動人心", 由年中甚麼大時代, 到現在的大大獲, 上下波幅8千點, 而有錢人其實都"為善不甘後人", 呢兩個月都積極入市, 齊齊蟹左....


這兩個月, 有錢人十分忙碌, 基本上完全沒有時間睇住個市場發生甚麼事, 所以期權戶口完全沒有動靜, 但就因為看到股票一路下跌到買入位, 所以SET定價買入, 依家成手高息蟹貨, 最近, 仲借左銀行幾十萬, 等下睇下有無得再跌再買.

有錢人依家手頭上有的股票組合:

2800 盈富基金: 平均價 $23 (息率3.65%), 現價 $21.4
656 復星: 平均價 $11.54 (息率1.47%), 現價 $12.2
888 路訊通: 平均價 $0.83 (息率9.6%), 現價 $0.62
2888 渣打: 平均價 $116 (息率 5.75%), 現價 $84.3
941 中移動: 平均價 $103 (息率 2.84%), 現價 $89.7
3988 中國銀行: 平均價 $3.87 (息率 6.12%), 現價 $3.31
2318 中國平安: 平均價 $48 (息率1%), 現價 $36.1

當中 2888 渣打只剩下幾十股碎股 (當無都得), 因為早排仲有少許賺頭時換馬到888 路訊通 - 扣除其上年特別股息, 大概息率4.5% ~~~ 其實ROADSHOW 同渣打在這段時間的跌幅都不相上下, 但因有錢人應為比較肯定ROADSHOW會減一半派息 (純以業務來睇), 而渣打就唔知減幾多, 所以換馬.


有錢人上個月借落的幾十萬仲未有動靜, 因為雖然全部蟹晒, 但未再跌到有錢人的下一個入貨位, 以現時息率計, 都已經除笨有精, 唔洗加碼,

有錢人的下一個入市指標是盈富基金$20以下, 其實話難唔難, 話易唔易嫁, 始終依家未有籍口再進一步推低大市, 除非 ~~~~ 又嚟多次 打仗威脅呀, 又爆下獲咁囉