回應網友: Petertang

最近收到網有petertang的留言, 很想跟大家分享, 也藉此回應petertang的.

by petertang:
我仲有一年就畢業, 依家放假就想學點投資

我準備六月開始月供2800 同 2388
有冇建議可以俾我d新手:)

其實我不斷係圖書館借書睇,d書成日話估值估值揾間好公司,但具體點做真係唔知.請問你當時點樣由冇到有咁去投資.


thx
= = = = = = = = =
Petertang,


多謝閱讀, 首先恭喜你, 咁後生已經開始學習投資, 我喺讀緊書時只係識得玩. 如果我當年已經好似你咁上進, 我的資產可能已經double了.... (有早知, 無乞衣!!)

如果你有閒錢月供股票, 我建議你選2800, 因為盈富基金係指數基金, 基本上與大市同步, 雖然2388都係一隻好穩健的公司,但始終是個別公司. 像你這般初接觸股票市場的朋友, 2800之類的指數基金會較合適.


坊間大部份有關投資的書都講估值, “估值”嘛, 當然有靠估成份啦, 建議你先睇一本叫“炒掉你的股票分析师”的書本, 這是一本翻譯書本, 它入面教你一步一步地考察個別公司的“價值”. 但請你放心, 就算你睇完都會一頭霧水, 因為公司 "估值"可以說是一門科學之外, 更是一種生活經驗與人生經驗的累積. 當中有好大一部份是你自己給這公司的 "估計" ~~ 有得估, 就緊係有錯嫁啦 ~~ 個個投資大師/ 分析師都經常錯到飛起的.

由於你還讀緊書, 每月的穩定收入應該不太多吧, 我建議, 你要真金白銀買個別股票的話, 你最好睇夠十本 ~ 甚至二十本 ~ 最好三十本 有關股票投資的書, 這大概花你一年時間吧 (剛好畢業), 與此同時, 只做個股模擬投資, 記下你認為值得買入的公司資料及你自己認為值得買的原因以至股價, 股息等等. 經驗來講投資一間公司的股票, 兩年時間是最少的了 ~~ (炒股又是另一回事). 你投資在 "學習"的這一年時間裡, 可能你會錯失賺錢機會, 但我相信, 你因此而避過蝕錢的機會一定更多.

意見只供參考.
 
共勉之.