獅子山下精神 ~~ 默默耕云

生活, 本來就是充滿學習的機會, 只要我們經常細味, 重視萬事萬物, 重視分享, 到處都有很多值得學習的人事物.

最近有錢人要換車, 所以經常都搵車行/ 私讓車主去睇車, 當中有一個很值得大家學習的小人物小故事, 有錢人認為他絕對係百分百體現了我們經常掛在口邊的 "獅子山下"精神 ~~~ 但主角其實是港島人 ~~~ 哈哈

話說有錢人約了一個車主在港島睇車, 那位先生一看就知是快要退休或已經退休人仕, 在試車期間與他閒話家常~~~ 嘩, 呢位阿叔真係人不可以貌相, 家住二千幾萬物業 (因為佢車左我去佢屋苑睇佢另外一架車), 佢仲擁有幾架小巴, 又有其他幾個不同地區的物業, 有錢人粗略估計, 市值無一億都八千了.

其間, 阿叔講起自己點樣得到呢D 嘢....

佢廿幾年都係做一個小巴司士, 當年現住屋苑新起無耐, 佢同老婆就買入同屋企人住, 住到依家. 佢仲話當時佢搬入去時, 嗰個屋企四週圍都係荒地嚟嫁, 依家? 齊齊做豪宅了......

其實佢開頭都供樓供得好辛苦嫁, 所以日日踩十幾個鐘賺錢, 公一份, 婆一份, 慢慢越供越舒服, 仲有錢蓄下添. 時而小巴牌又唔係好貴, 所以佢又買左個小巴返嚟, 自己開工免車租, 自己唔開有租收, 一年又一年, 蓄到錢又買多架, 蓄到錢又買多架, 時而89年時樓價跌時佢又有D錢喎, 咁就買左層樓收下租嘞, 開始埋收租佬的身份.

慢慢攪下攪下就去到依家咁嘅身家嘞.... 其間, 佢無停止過工作, 繼續做佢嘅小巴司機嫁.

= = = = = = = = = = = = =

呢個小人物小故事, 有幾個重點:

1. 默默耕云, 靜靜儲蓄

2. 努力工作, 製造現金流, 亦令到自己生活有意義 

3. 買入資產, MULTIPLIER EFFECT (有錢就買下收租, 有錢又買入收息)

4. 投資自己用得著/ 熟識的項目 (你係小巴司機, 投資買架小巴返嚟開工, 死極有個譜)

5. 找個好老婆/ 好老公同你一齊捱一齊分享, 人生沖沖幾十年, 眨下眼就過, 回眸看看原來就是你身邊的老伴與你長相斯守地過活.

共勉之