買穩定收息股的好處

港股股市高位近月高位31000點水平, 依家29000點水平, 跌左2000點, 但好多科技股跌幅比大市大, 少則15-20%, 大則40-50%.... 升市時, 大家都㷫烚烚, 乜都升上月球, 但作為老散的我, 卻沒有多少甜頭, 因為, 我又唔識買IT 股, 又無研究咩芯片市場, 總之我就淨係識睇財報.

 

不過買股票唔同入賭場, 唔靠運有時仲穩陣, 呢D野真係講足幾廿年, 學足幾廿年都可以做得唔夠好, 就好似你跑步, 明明跑緊10K用5分披已經好辛苦, 就總會有啲柒頭走嚟講, 你可以點點點就跑到得再好啲喎, 咁你又試下… 原來又真係可以再好啲,大家都係5分披, 原來改下跑G改下速度平均D, 又可以舒服左咁跑返同一速度, 最低能係睇返原來一路都只係自己柒下柒下有時跟左人地D快腳跑爆左偈,又有時跟錯慢腳來回踱步當跑步. 總之, 投G嘅野就係要不停回顧,不停咁檢討自己.

 

有錢人年過40一事無成, 周柏豪同鄭融都笑我 "假如凡事都失敗 也許得愛戀先可以得勝", 所以我揀股都只係識搵收息股, 唯有每隔一季就自我檢討, 睇下倉入面有咩股要飛左佢, 只收留一D正常派息又正常做生意嘅股票.

 

後生仔同死老鬼最唔同之處, 後生仔永遠追求第一, 最勁, 最快, 但買股唔同比賽, 唔係升得最快嗰個就贏, 每個人都有自己局限, 有D人鐘意投機賭錢, 搏一搏升幾倍, 有D人就鐘意輕輕鬆, 細水長流, 我諗我就係後者. 所以"幾年來毫無成績, 地位未有躍升"….. 只有安安定定收息, 不過咁有咁好, 就係其他人輸到仆街叫天叫地時, 我都係一樣食住花生, 笑看風雲. 所以凡事有得就有失, 不可能面面俱圓, 乜都贏到盡…. 凡事太盡, 緣份亦必早盡