強積金記錄 – 2026/04/01

人生匆匆，時光飛逝，上次出記錄都已經四年了，唔係有錢人唔想寫，而係真係無野寫，我又唔係財經BLOGGER 唔會同大家分析分享金融大市，世界經濟走勢，每日都只會靜靜生活，有得食就食有得玩就玩而已，生活也是簡單但也愜意。而我嘅MPF 都算有唔大唔小嘅數字，反正一係擺到退休... 仲有1X 年，一係就移民"永久離港".... 兩樣都唔會短期內發生, 而有錢人個MPF 就都係好似蝸牛，慢慢爬，比起幾年前更加"唔進取" (笑左...)

 = = = = = = = = = =

有錢人MPF 分佈:

股票: 15% (10% 美股, 5%港股)

保守: 85% 

有錢人會以恆生MPF 及 盈富基金作比較目標:
 

 (拍照日) 2015/04/01:

恆生恆指基金: $22.22 盈富基金: $25.45有錢人的MPF: 115W

@2026/04/01

盈富基金:  $25.45 -> $25.4 (跌 $0.05,  -.2%) (另累計收息 $8.62; 最近派息日:2025/10/30)(實際升 33.67%)

恆生MPF 恆指基金:  $22.22 -> $28.95 (升30.288 %)

有錢人的MPF: 115W -> 380W (期內供款約150W,  合計及期內升 43.4%) 

操作/ 評論:

有錢人依家MPF 長期都係以保守為主.... 超過80% 以最白痴的"低回報" (MPF Conservative Fund)為主... 每年只有可憐的 2% appreciation , 十年美債都4.15% yield 啦.... 咁呢D "最保本嘅MMF" 竟然得2%, 當中的2%就係比佢地FUND HSE 食囉.... 但我無辦法改變，只可以兩害取其輕.... 有朋友問, 咁點解唔買債券基金... 因為無得揀純美債。完

咁都有D 野都仲可以同大家分享下嘅, 在無聊的生活裡, 每次美股或者港股大跌幾日 (TOTAL 跌超過 2-5%, 或者慢慢跌到距離52WK HIGH 低15-20%, 我都會出下手, 食下波副, 等個市升返5-10% 就收水，所以，有錢人個MPF 表現一直都比 2800 同恆指基金好... 而當中, 淨買2800  又會比MPF 恆指基金好喎.... (係囉點解呢, 笑死, 基金公司多謝晒政府囉)

就以今年為例子, HSI 52WK HIGH 大概28000點, 最近有試過插穿到24500樓下收市, 咁我就當日收市前出指示轉入HSI FUND, 唔記得一日定兩日內, 個市就升返3-4%....我就食左走人了... 賺唔多嫁... 100萬先賺4% = 4萬... 但100萬MPF 一兩日可以有4% return, 對比我TOTAL 400萬.... 已經 "追左數" 1%喎.... 就係咁, 我個MPF 就好安全地 "我要一步一步向上爬".... 我對美股都係同樣玩法, 但美股D MPF FUND 唔係INDEX FUND, 而且, 港美有時差, 成分計算就複雜同誤差大好多了, 而且美股點都仲係世一, LONG TERM 睇,  適度地"長擺"都係著數過"等跌".... (明就明啦)

P.S. 呢D機會就不時會出現, 通常一年起碼都有幾次, 好彩嘅一個月有三兩次都唔奇, 就好似最近3月咁 .... 每次幫補0.5% - 1% 不等啦, 都爽爽的, 最重要係風險唔高

後記: 多謝自由兄... 咁多年個BLOGGER LIST 仲有小弟update....