投資股市做功課 (四)

今次呢個步驟好有趣, 亦都係大部份買股票的人最關心, 好多人成人都會問 "依家個價買唔買得呀", "沽貨離場好唔好呀".... 你問人, 即係等於你無做功課, 對你來講, 買股票等於入賭場博佢升一轉,賺下買餸錢 (但好多時係賺十次都唔夠輸一次).... 所以, 呢個步驟就係幫助閣下"定"你的目標價:


講得目標價, 就緊係"目標"啦, 但當然有得根據啦, 就係呢間公司早年的年報喇.
定出目標價的步驟:
1. 預期收入: 講得預期, 就一定有估嘅成份嫁喇, 但估還估, 都要有個譜嫁嘛, 今年收入一億, 下年唔會無端端變十億嫁嘛 (係真得話就真係勁咯).
你的根據可以係呢間公司過咁多年的收入走勢再加埋你對呢個行業/ 外在經濟因素對公司收入的影響 (最好用一個%乘入去, 咁你日後會知道自己"估"得有幾叻/屎)
 (呢個收入, 最好係用經常性收入計算, 因為好多公司成Q日都有"非經常性收入" ~ 因為成日有嘢買買賣賣 ~ 小心)

2. PROFIT MARGIN: 有收入, 就緊係要知道profit margin幾多%, 先可以計到一間公司可以賺幾多錢嫁嘛; 又係年報會比到一個公平嘅資料你嫁喇.
(同收入一樣, 請自行刪除"非經常性收入"的margin)

3. 由 (1) x (2), 咁你就會計到呢間公司未來會賺幾多錢

4. 預期公司股數: 唔好以為, 有錢賺大晒喎, 因為間間公司都有可能會增加股本/ 分紅股/ 供股/ 以股代息... 分分鐘令分薄晒都唔定嫁; (一般公司都唔會無端端增加股數超過2%)

5. EPS (earning per share): (3) / (4). 咁你咪計到每股賺幾多錢囉

6. 預期高及低 P/E值: 巴菲不喜歡P/E高過15的公司, 對於高增長公司而言, 我最多會計到20倍. 其實, 只要CHECK返過往股價同EARNING, 你就會睇到一間公司的紀錄 (好多share watch都有呢個function);
但要明白, P/E係一個價錢對比賺錢能力的比較,即係市場願意付出的價錢, 好多時,呢個數都會過大或過細. 例如, 如果無得賣返啲股票出去, 你會唔會買入一間要賺30年錢先可以回本的公司? 但股票市場係有時候有人會願意的啊, 甚至更高都願意, 因為呢啲人預期該公司未來盈利會翻幾翻.

7. 預期高價及低價/ 平均價: 只要將 (5)公別乘以 (6)的高低P/E值, 你就會計到你的預期呢間公司的高低價位, 將佢加總之後除以二, 咪知道你心目中的 "股價" 喇.

8. 買入價: 為左有"安全邊際", 最好就係目標價的 40%-60%作為買入價.

做完呢一步, 你就會發現,原來有好多股票都係唔適會即時買入的, 呢個現象尤其會發生在升市當中. 不過唔緊要, 因為投資賺錢的機會係會不知不覺突然出現面前, 做好準備, 計好數, 到真係到價先 "做嘢"

That's why 巴菲特經常都講 "別人恐懼我貪心", 因為一早做好準備 (無論是計算或是現金儲備, 甚至心理)