費雪論創富

《費雪論創富》(The Ten Roads to Riches: The Ways The Wealthy Got There) - Ken Fisher



這本書的作者是著名的專欄作家 Ken Fisher, 而他亦是 "Fisher Investments" 的創辦人.

看這本書的原因好簡單, 我想"做個有錢人".

這本書的好處 , 是完全沒有複雜的用詞, 又不會製造太多幻象給讀者, 結構清晰易明. 一般青年人甚至小朋友睇都絕不成問題.

在本書中提到作者的經驗, 如何讓我"做個有錢人", 有8條路可以比我選擇? (咁多?)

1. 開創自己的事業王國: 這是大部份創造力最強的人的致富之路;

2. 成為企業的CEO: CEO唔一定等於公司擁有人, 但卻發揮極為重要的作用, 而CEO一般都會有不俗的收入;

3. 做一個強力"二把手": 有些人天生唔係做"大佬"的材料/ 性格, 但卻能升任做一個超強的"二佬",但要記住, "二佬"的能力絕不下於"大佬": 例如 Charles Munger 就是一例, 他的能力絕不比 Warren Buffett 遜色, 但卻不是"大佬"首選, 所以他一路都做個"忠誠的二佬";

4.做一個名人, 然後以名氣賺錢: 好多藝人/ 作家/ designer... 就係用呢條路, 但大前提係, 他們其實本身唔係為左錢才去做有關行業, 而係對其有興趣/ 熱情. 如果一個人純為錢才開始有關事業, 十之八九都係失敗而回;

5. 用別人的錢賺錢: 呢一條, 簡單啲講就係做基金經理,從金融業賺錢是最容易不過的了,但大前題是, 你必須是一個極好的推銷員, 及你要有極好的人脈關係;

6. 找出不斷的現金流: 發明、拎專利; 做創作、以版權賺錢.... 找出有人會要的"東西", 然後擁有其專利、版權, 錢就不斷湧過來比你;

7.做地產大亨: 從第一幢樓房開始, 建造自己的地產王國, 在香港及世界不同的地方, 已有無數人証明過, 不用多說;

8. 勤儉節約, 好好投資: 這是一條乜人都要行的, 亦是大部人走過的路.

另外, 發現書名同內容有些矛盾: 書名明明是"Ten Roads to Riches", 但為何書中只提出8條路? 經過一番研究下, 發現有個坊間解釋:

另外兩條路: 一條係嫁個有錢人/ 娶個有錢人; 另一條係做一個"企業律師", 但不知甚麼原因我睇的中文譯本就是沒有, 但不緊要, 因為呢兩條路都唔係我會用的.

雖然. 作者認為上述方法是致富之道, 但細看之下, 其實都有一些共同特質:

1. 你必須對自己的選擇有興趣: 就算是"嫁個有錢人/ 娶個有錢人",都要有個先決條件, 就是對方要真心待你好;

2. 耐心/ 恆心: 不要老是想著一步到位, 所有方法都要循序漸進的;

3. 努力不懈: 就算是再天才又或是有錢的人, 他們都繼續努力工作/ 學習, 機會從來都只會提供比有準備的人;

回看自己, 我選擇了第七及第八種方法作起步, 希望往後我能夠增加其他"做個有錢人"的方法‧