1098 路勁基建 有乜好 (最終回)

嚟到分析步驟最後一回, 就係對公司做一些 qualitative test:參考 投資股市做功課 (七) ~ 最終回




程序六: 公司警號; 全部未有發現

程序七: 管理層公析:

首先, 睇睇佢地公司的關係同歷史:
公司有個阿媽叫惠記 (610) ~~ 相同老細~~主席單偉豹, 惠記有幾個業務, 其中"現金牛"收費公路就係比左路勁, 所以十幾年來路勁都有個高息政策, 回饋返比阿媽。

而公司另一大股東深控(604), 我稱之為阿爸 (嚴格來講, 應該叫後父, 因為有個已經分手的阿爸叫AIG), 該公司基本上係深圳市政府的公司 (有43%深控股權), 而業務又係以"物業發展"為主力.

單偉豹一向都好鍾意地產項目, 你搵搵佢嘅新聞就知嫁喇, 所以於2006年的時候, 佢"執"到順馳呢件好嘢喎....緊係有幾多殺幾多啦, 當時順馳因為發得太大, 老闆孫宏斌被迫好鬼平咁賣比路勁, 當時路勁主席單偉豹都係咁諗, 點知一入主之後, 就發現問題好大喇, 公司無論在政策、管治方法、銷售都同路勁完全唔夾, 而且房地產嘅資產價格起伏比起收費公路大好多.... 所以對路勁來講, 當年雖然可以話用超低價買入好資產, 但要為已所用, 確實要使出管理層十八成功力, 最終, 公司足足用左三年時候, 先可以從"順馳陷阱"走出來 (你睇睇公司2005-2009年報就知順馳對路勁有幾大影響)。其實, 當年如果路勁要將順馳資產拆骨再改造, 係絕對無問題, 根本上可以唔洗用自己幾年時間慢慢同佢玩變身. 好明顯, 路勁係有計畫地把路勁自行變身收費公路加房產股, 成為阿媽惠記的"現金之王".

從上述有關公司大股東的關係以及公司對新業務/ 舊有業務的處理, 有錢人預期, 路勁做"現金牛"的做法唔會有太大改變, 而有錢人亦相信, 路勁將會透過房地產發展去取代收費公路. (睇佢近年收入/ 營利組合就知)

總括而言, 無論從營運模式, 管理層, 收入, 派息, 前景來講, 路勁都係一間值得擁有的公司, 但現價$7蚊有點兒偏貴, 對比起有錢人所計出的合理價$9, 安全邊際只有22%, 最理想緊係有40%-60%, 但短期內市場上都幾難有呢個"safe margin"的公司了... 所以有錢人只會先買一注, 睇埋公司2010下半年的成績再決定是否加注.