買樓計劃 2012 (二)

上文 "買車經驗 (二)" 提到, 對上兩個星期前睇過嘅樓, 有些雖然不俗, 但業主開價實在太高了, 令到有錢人即時打退堂鼓唔買樓, 連夜加緊力度搵車, 一個星期之內已經搵到心儀對象兼佳偶天成, 買左架七人車. 然而, 故事的發展真係風迴路轉....


因為上次睇樓時, 覺得個經紀都幾好傾, 所以我同佢講左我嘅情況同睇法, 仲有就係我心目中的做法, 而那個經紀的年幾應該比我大, 亦都係有家有樓有車人仕, 所以我同經紀講的事佢都經歷過, 亦都分享佢自己的建議.... 對上幾日個地產紀錄打比我, 話, :"有錢人先生, 我手頭上有兩個荀盤, 依家未開盤出街嫁, 睇你有無興趣去睇睇" 我本著反正無蝕底, 一看無妨的心態睇下啦.

緣份呢樣嘢係一樣好得意嘅事, 好多時都係第一眼 (first impression) 就真係有 "觸電"的感覺!!!! 再加上開價較合理, 亦在有錢人BUDGET之內.... 好, 諗諗佢, 再搵有錢太太遲下放假睇多次, 點知, 第二朝經紀打來了, 話原來同一個盤有行家開左盤, 亦有第二家人睇過了, 還緊價, 但個價都殺得好低所以未傾成, 問我會否去睇多次決定去唔去馬, 否則再搵差唔多價錢同QUALITY的單位唔係咁易...

回說之前一晚, 有錢太太都半信半疑講話邊會有咁正嘅盤, 也對住個則左批右判, 又話個則唔見洗, 呢度浪費空間, 嗰度用唔到, 阿支阿draw, 攪到有錢人好似sales咁叫佢放假有時間咪睇下囉; 所以有錢人都諗, 如果有錢太太話唔得閒就同經紀講 ~~~ "讓比人吧!!" 點知有錢太太一口應承去睇樓喎.

上述講過"觸電"的感覺, 再一次出現在有錢太太眼 ~~~ 我知, 我地要搬入去了... 只是經過一兩口不太誇張的上落價, 成交!!!! 最重要是, 我有一個差不多半年的特長成交期.

老實講, 就算你打我一次問我一次, 呢個單位應該值多少? 有錢人會講, 比我出價貴兩成絕不過份!!! 但有錢人相信, 是因為有錢人與有錢太太的誠意及行動迅速打動了業主肯減價出售; 有錢人查landsearch, 業主根本係有賺很多, 照我睇佢地也根本沒有賣樓的急迫切性, 但見我們這一家真的愛上了....感謝他們的慷慨.