買樓計劃 2012 (四) ~ 賣樓

上次 "買樓計劃 2012 (三) ~ 財務安排" 提到, 有錢人一定要賣樓先有足夠的現金作首期, 以及在還款比例上才更容易過關. 以得到銀行的樓按貸款.

在這兩星期入面, 有錢人將現有的物業交比一間地產公司做獨家出售, 加上有錢人開口講明自己的底位是幾多, 有幾多"水位"比agent同買家傾, 當中的 "油水"就是agent的 "努力"了. 果然 "利而誘之"收得到絕對的效用, 在放盤短短兩個星期之內, 已有幾對買家來睇樓之餘, 也有些出過價. 然而真正用家的出價卻實在不多...

早起的雀仔有蟲吃, 其中有一組agent (一行三人)特別勤力, 找到 "似樣"的買家實行一招快刀斬亂麻, 夜晚睇一次, 第二朝晨咁早再來, 問實我的底價, 然後再傾, 底價以外 "五五作佣"得唔得, 我想了想, 再問問有錢太太意見... OK!! 成交!!

之後我跟朋友說起此事, 朋友話我咁闊佬, 比咁多佣, 因為實際比了AGENT的佣金是正常的DOUBLE有多. 我跟朋友說 "既然他們咁勤力又做到嘢, 有錢人絕對樂意給他一個比普通市價更好的回報, 反正大家有賺, 大家開心 ~~~~~~~~ 第日有事要找他跟, 他也跟得特別落力吧"

有錢人跟住與有錢太太再提起此 "佣金", 我再問她會否有"比得多"的感覺, 但她的想法出奇地與我一致!!! 我想, 我開始有 "老闆"的想法 - - - - - 樂意比超越應有回報給幫自己完成工作的人, 讓他們快樂地努力地盡心地為自己工作. 這些投資絕對值得.

下一步, 有錢人就要張羅兩間屋交接的安排, 之前找過一些SERVICE APARTMENT, 好貴啊...