買車經驗 (二)

買樓計劃 2012  提過, 有錢人開始物色物業, 最近上個星期亦都睇過幾個不同的盤, 全部都係有錢人最想買的size, 但是, 無一個係有錢人可以買得起, 或者應該咁講, 無一個係有錢人願意去買的, 因為業主的開價實在是人吃不消....


於是乎, 有錢人就著力搵想要的七人車, 唔洗要款, 最緊要夠 "大", 夠實用, 皇天不負有心人, 我找到了, 還即是約車主睇車, 噢, 有錢人深入車主泊車的車場, 一看之下覺得好掂, 傾價錢, 試車, 落訂金.... 嚟到呢度, 有車人仕或者有買過二手車的朋友會講 : " 點解你咁急呀? 唔睇多兩次? 點解唔上架驗下呢?" 有錢人當時都問自己, 會唔會博左少少呀? 如果有乜事真係.... (事實係有點唔啱, 應該比幾舊水上一上架, 睇下有乜機件老殘了要更換)

但係, 第一, 呢架車係私人車主賣車, 相對車房賣車會安全少少, 而有錢人相信 ~~ 人係應該有信用的, 尤其對方係車主, 加上嗰架車已經跟左佢幾年, 如果佢對架車唔好, 唔會咁熟架車的內部擺設, 第二, 就係有錢人真得太心急了, 在看過真身再揸過上手之後, 真心覺得個價錢真係太超值了, 再問車主點解放得咁平, 佢又有佢道理, 佢話 "因為自己已經有兩架車, 而呢架車年幾又大啲, 又大食啲, 我都仔大女大, 無乜需要用家庭車, 所以平平地賣左佢, 慳返一兩個月車場錢都喺返度lu... "

就係因為以上幾項微細事, 讓有錢人斗膽講, "好, 車主, 我唔洗上架, 依家比我出街行個圈, ok就即時比訂".... 暫時, 事實証明, 見微知著是對的 ~ yeah!!! 短期目標一 ~~ 買家庭用七人車達成, 而且比budget 10萬 - 13萬, 平超過一半. 正.

下一章繼續講我的買樓計畫2012;