330 思捷 入貨良機

近日, 有錢人另一隻愛股 - 330思捷 (espirit) 出左 2009/2010 業績, 成樣同 945宏利第二季一樣, 比"預期"差, 而且同是天涯淪落人, 之後不停比"專家" / 大行踩到不似人形, 又話佢批發加零售毛利下跌、營業額下跌, 又話對佢中國市場的增長有保留云云


由今年年中開始, 因為歐元下跌, 加上預期今年業績唔會好, 思捷股價已經由$60 水平一路下跌到$45-$50水平, 去到依家2009/2010 業績出埋, 即時跌到$40水平. 隨時過幾日再跌到$35水平添 (唔知會唔會, 如果會就好了, 因為更加抵買)

我相信, 近年思捷的股價及業績表現, 確實令不少支持者不滿, 但有錢人卻不會因此而認定佢會死, 原因好簡單:

1) 歐洲市場係思捷米飯班主 (佔營業額超過80%), 歐元近日下跌超過一成, 即係佢有超過80%的收入計返港元時無左一成有多, 思捷係一間做實業嘅公司, 唔係金融機構地產商, 唔會年年都要重估投資物業跟手可以入帳, 匯率跌幾多佢就收入跌幾多 (上升亦然), 如果下一年歐元又回暖, 就算佢喺呢個市場收入無增長, 只要唔係差左, 即係收入即時上升嫁喇喎;

2) 對思捷來講, 中國市場現在係大約15%收入, 我相信, 佢地真係有心去發展呢個市場, 因為我最近去過內地, 發展佢地的發展唔錯, (人流, 店員服務, 貨品價錢), 對於佢地講五年內地的利潤貢獻翻一翻絕對有信心. 試想, 如果一間市值有成幾百憶的公司講有意加強一個地方的發展, 而佢地唔係用口講, 而係行動上已經表明心跡, 五年內令當地利潤翻一翻, 你會相信嗎? 講返實際數字: 今年內地貢獻推算為6憶左右, 如果平均每年加15%, 即係下年7憶左右, 再下年8憶幾, then 9憶幾, 10憶幾, 去到第五年12憶... 其實, 人地都係講每在全中國賺多一憶鬆啲姐, 真的如各個大行所預測一般難嗎?

我唔係預言家, 又唔係專家, 但我相信, 思捷絕對有能力, 兩年內起碼返到去$60-70水平, 再加收息$3-$4. 現價$41.5 計, 預計回報兩年 $21.5-$32.5 (即是51.8%-78.3%), 如以複利計, 即是23.2% - 33.5%. 唔好咩?

如果唔得又點呀? 有錢人又衰多鋪, 蝕錢加埋蝕時間值囉.