宏利再達標 (再入貨目標)

上月中, 宏利出左第二季業績之後開始被踩低, 有錢人已經在 $100 水平入了一轉貨, 上個星期, 股價再被質低至 $90以下水平, 正, 又係入貨良機, 再入一轉, 唔知仲會唔會咁好彩, 去得到 $80以下水平呢? 如果會就真係太好了, 可以用低過 $100 買 $170蚊嘅貨.


我唔係金融才晉, 亦唔係股神專家, 但係, 我相信一間能夠過百年不死之餘仲有增長的保險公司 (唔係金融投資公司), 一兩年唔好嘅業績係唔會整得死佢, 所以, 對宏利信心不變, 對佢嘅估值 ($170)都不變.

原因好簡單, 我做左功課, 知道宏利呢期唔掂, 係因為乜嘢原因 ~~ 係保單收入減少? 係利息收入減少? 定係投資收入減少? 邊樣係暫時性問題, 邊樣係長期的 "大問題"? (請自行做功課)

但是, 我亦都相信, 要佢恢復生氣, 起碼要一至兩年. 所以, 呢段時間入面, 可以等佢股價被質低時入貨, 被再質低時再入貨, 慢慢儲錢, 慢慢入價  ~~ This is the best of times, this is the worst of times.

正如 Dan Ariely 在 (譯本名為:怪誕行為學 or 誰說人是理性的)所言, 人其實是不理性的, 只是這些不理性是可以預測得到的.