有錢人之所有廣告收入, 將全數捐予慈善團體

2013年11月4日

有錢人期權倉 - 2013年11月份建倉

回顧2013/10 最後戰績:

月頭以為成個月都會風平浪靜收錢, 點知去到月中時 941中移動出左一份普普通通的業績(個人認為不太差), 之後比基金狂沽勁跌至 $80水平, 即時為有錢人戶口帶來8萬大元的跌幅, 而其中有一些更需即時止蝕(根據規則而行), 扣血 $35000... 其他期權布則輕鬆收錢. 最後, 期權戶口小勝9千 (如果, 真係如果姐, 有錢人當時無止蝕平倉, 應該會賺多兩萬幾, 但為免出現"貪字得個貧" 第五集, 當時都係止蝕好, 依家事後孔明講下而已)

但最令有錢人覺得攪笑的, 還是 "期權傻交易", 真的解釋不了, 也讓有錢人上了一課. 現金預備的重要性


踏入2013/11月份, 紀錄建倉情況:


941 中移動 (2013/10/31 收市股價 $81.40):

2013/11 月份到期倉位:

$77.5 SP @ $0.4
$80.0 SP @ $0.84

$82.5 SP @ $2.13

$85.0 SP @ $4.3

如果股價在 $85.0 以上, 賺得最多. 但有錢人預期會在 $82.5 - 85.0 埋單
(如果月中之前股價上到 $82.5以上, 有錢人會做些 $87.5, 或 $90.0 的 SC, 視乎股價)
-- - - - - - - - -
2 中電  (2013/10/31 收市股價 $61.87):


$60.0 SP @ $0.11
$62.5 SP @ $0.48


如果股價在 $62.5 以上賺得最多.

- - - - - - - - - - -
A50 (2823) (2013/10/31 收市價 $9.89):

  $9.75 SP @ 0.15
  $10.0 SP @ 0.21
  $10.5 SC @ 0.05


只要 股價在 $10.0 - $10.5之間賺得最多


 -- - - - - -

11月份合約, 共收期權金大約 $80,000. 但有錢人預期部份應該賺唔晒, 在一來一回此消彼長的情況下, 應該會有4萬左右落袋吧.

= = = = = = = = = = = = = = 


現時戶口有超過50%按金比例, 用以備用作股價波動之按金需求及相關之買賣運作.
(由於期權戶口內的一些資金並非屬於有錢人, 我也懶得分開了, 所以不透露實際資金情況)

因為期權汲及高槓桿, 可以是一項高波動的投機活動, 沒有足夠的準備 (包括現金,心理,技術), 不要犯險!!

7 則留言:

  1. SP 82.5;85 已入價內,點補救?請指教

    回覆刪除
    回覆
    1. 價內不是問題, 最緊要係賺住在價內

      1. 如果有信心會回升 ~~~ 溝淡 (平均期權金會提升)
      2. 如果無信心~~~ 平倉

      刪除
  2. 有錢人兄,你好。
    我自己買左幾年股票,
    都係長揸收息多。
    有興趣透過期權增加回報或者降低成本,
    睇過港交所期權abc同簡介,
    算有基本既了解,
    但見市場好似有好多期權既選擇,
    到底你以咩準則去選擇?
    以中國銀行為例,
    13年12月到期既,
    行駛價由2蚊去到4.6都有,
    行駛價低現價唔少既,一係就行駛左,
    一係得少量未平倉, 呢方面我都明白,
    行駛左就即係低價入左股票,未平倉係咪姐係睇定d可能再贏多d?
    但其他行駛價接近現價既,
    到底應該點選擇?

    例如同一到期日, 3.7行使價,最後成交價0.12,
    同3.7,最後成交價0.8,當中以咩準則去選擇?

    可能我問得唔夠清晰,仍希望告知。謝謝


    回覆刪除
    回覆
    1. TO 賢, 對期權交易有了一定了解之後, 你需找一隻你最有興趣的股票去研究, 但期權的研究不是買股票的研究,唔洗睇基本面,而是研究其價格的波動性,咁你就會更了解呢隻股票期權的不同價位行使價點解會係"呢個價"

      有些股票股價上落好細, 期權金就會好細, 相反亦然.

      買賣期權是要講目的及策略的, 你話想 "透過期權增加回報或者降低成本", 咁即係你已有一些目標股票做期權交易吧 (中銀?)

      想固定成本/減低相關成本? 選擇方式好簡單, 選好行使價(你的理想買入價), 做SP, 到價買貨, 結算都未到價就只收權金, 個個月如是.

      想固定賣出價/增加相關回報? 選擇方式好簡單, 選好行使價(你的理想買入價), 做SC, 到價賣貨, 結算都未到價就只收權金, 個個月如是.

      這是最簡單的操作

      但我主要在期權操作做的, 是以錢搵錢個個月清的, 所以只做自己有較大把握的SP/ SC, 盡量令自己個個月都有"糧出"

      刪除
    2. 謝謝你既回覆。
      我既目標係中國銀行,
      我有上港交所個網睇中銀期權價格,
      不過唔係好明。
      以十二月P既合約為例,
      P 可以由 2蚊去到4.6,
      買入價個欄得3.4-3.9先有出價,
      賣出價就多少少,由2.6-3.9都有。
      想問如果我想sp,應該點選擇?有咩要留意?
      另外,
      點睇可以收幾多期權金?
      其實當中好似好多野都唔太清楚咁。

      謝謝花時間解答。




      刪除
    3. 簡單點, 你去證券行開左個期權戶口, DOWNLOAD左個期權SOFTWARE (一般係SP TRADE), 有晒教學資料教你睇嫁啦, 但開戶咋, 唔好咁心急做交易買賣喎. 三言兩語好難解釋得晒

      刪除
    4. 我其實已經係一通開左個户口, 不過未入錢落去,亦都未知點用。

      刪除