有錢人之所有廣告收入, 將全數捐予慈善團體

2013年11月1日

期權傻交易

有錢人的10月份期權昨天月結了,  但昨晚收到訊息, 其中的 SC 2823 10.00 竟然有一張合約比人行使了. 真的十分奇怪, 打去股票行問係咪真嫁, 股票行職員說是真的, 我說咁傻都有嫁咩?


昨日A50 收市價是 $9.94, 比起$10.00的行使價還要低, 以一張合約5000股計就是 $300大元的差價, 世上真係如此傻豬? 明明市場上有 $9.94的貨唔買, 硬係要行使期權合約的 $10.00貨? 對有錢人來說, 只可以"無奈"接受, 並說聲"多謝". 雖說是"多謝", 來回的手續費卻去了$120, 即是有錢人真正落袋的只有$180, 而証券公司就無端端多左$100收入.

今次的經驗真有趣, 原來真係有人咁得意, 在市價還低於行使價的情況下, 仍會用行使價買貨, 我想這應該是因為操作錯誤, 又或是因為系統對盤找交易對手時, 一些SP搵無可搵, 就對左落有錢人呢一張SC度掛.... 如有網友知道何解會有此情況, 請賜教, 謝謝.

然而, 有錢人都看到相關的"風險", 如果好不幸, 在交易日那天, A50升到啪啪聲 (例如: 超過 $10), 如果有錢人手上無平貨去賣, 要在市場上補倉, 咁就 "被屈機"了....

所以, 都係嗰句:
因為期權汲及高槓桿, 可以是一項高波動的投機活動, 沒有足夠的準備 (包括現金,心理,技術), 不要犯險!!

6 則留言:

  1. 是否有人收市後急於買貨,又怕明日開市買貴貨,所以寧可付$300差價。

    回覆刪除
    回覆
    1. 可能掛...但當時收市價$9.94 同行使價$10.0都有一段距離, 除非有內幕知道股價會升, 然而, A50追蹤多隻股票,個股內幕不足以影響大局...

      刪除
  2. 10月有買sp $10 ,最後沒想到要接貨!因去旅行,虧少少即走咗!

    回覆刪除
    回覆
    1. $10的A50 不算貴, 入少少無問題

      刪除
    2. 謝謝分享經驗, 大家一起加油!

      刪除