做個有錢人之路~ 2013/11/01

今天是2013/11/01, 

 距離"起步" (2010/04) 已過了42個月, 又是時候回顧我的"有錢人之路"了. 我的財務現況: 


 ~資產~
物業:
一層自住樓, 仍然是約估值 500萬, 叫價仍然企在500萬-550萬之間, 死寂的地產成交... 跟做地產經紀的朋友傾計, 一如所料, 要賣樓的叫價不會降, 但議價空間明顯增加.

(非流動資產500萬)

股票戶口:
2013/09/30 收市價計,大約總值$82萬

9月份賣股留錢 55%, 10月份雖有所調整, 但未跌到目標價又返上去了....
月內開左個美股戶口, 用US$174.5入左少量 IBM, 比巴菲特的入貨價高左US$1.5 (巴郡平均US$173/股),

有錢人在等待大市回調至20000 -21000點水平, 才會大手點入貨, 否則, 持有的繼續持有收息.


期權戶口: 約$67萬
繼續沒有"貪字得個貧"  (底線原則, 又救了有錢人一命), 上個月月頭狂升的中移動, 今個月月中出了一份唔太好的季度報告, 即日跌$3.0, 呢個跌幅, 足以的有錢人的 $85 SP 同 $82.5 SP 打鈀, 扣月$3萬, 然A50 乖仔, 得以保護大局, 最後小勝8千, 和氣收場. 好過無.
  
 

現金: 約$50萬

今個月無做紀錄.....又來了....無左6萬?!?!?!? 洗左去邊, 真係要做紀錄呀
WTF...#*$*!!!

(流動資產199萬)
(賺埋賺埋唔夠洗, 我唔要跌落老鼠賽跑啊!!!!!!!!!!)

~負債~
樓按: 大約$260萬
私人貸款: 大約$27萬


~~淨資產~~

($500+$199)-($260+$27)萬 = $413萬

與上個月比較 (2013/10), 淨資產少了2萬, 主因現金減少~~~ 入得少, 出得多; 對比"起步"時, 多左約$255萬(起步時估值為$158萬), 達標指數 41.3%  ~ .~
目標~~有錢人希望以一千萬淨資產以作"退休生活"之用.

= = = = = = = = = =

有錢人為了擴闊自己收入圈及能力圈, 努力成為自己以外, 仲有家人, 朋友, 公司的 "投資經理", 就好似一個私人基金經理般, 幫身邊的人賺錢之餘, 也迫自己投資更謹慎, 當然, 作為一個"基金經理", 我係會 "有償工作"的.

截至2013/11, 本年度(2013')之客戶資金回報(平均): 4.2% (還有兩個月交成績)
= = = = = = = = = = =