加薪

每年去到年尾, 都會有些新聞講及人工加幅/ 花紅之類, 每次, 職工組織都受訪講些甚麼通帳幾多幾多, 預期經濟增長幾多幾多, 所以人工應該加返幾多幾多. 當然, 有錢人相信報導中的所謂甚麼計算的加幅, 有可能是報導中一些以偏蓋全的手法, 但連年都係咁樣講咁樣寫, 當中的訊息卻令有錢人反思.

其實, 雖然有錢人依家都係打工仔一名, 但小弟從來都唔認為人工係要跟甚麼經濟增長同通脹掛鉤的, 原因好簡單, 正所謂行行出狀元, 做運輸可以做到DHL, FedEX, UPS, 順豐, 4PX, 一通, 之流, 越做越大, 也可以做到無錢交租, 關門大吉. 連執垃圾都可以有人做到風山水起, 上埋市都仲得. 即係話, 一間公司生死存亡興衰, 其實同”預期經濟增長” 又或是 通脤無甚直接關係, 更何況係公司入面的員工的工資呢.

老實講, 作為職工組織, 要求加薪的理由, 不外乎三幾點 ~ 經濟增長, 公司賺多左, 通脹, 可惜實際上, 人工可以有加幅, 呢啲理由都唔係理由,  真正令到老闆加人工的原因只有一個, 你對公司有價值 ~~~  價值體現在幾方面,  如果是SALES,  價值就是為公司賺到幾多生意,  如果是管理人員, 就是有幾多能耐令被管理的部門發揮超水準  ~  

所以,  若然有人跟別人說,  因為經濟增長, 公司賺多左, 通脹甚麼甚麼的理由而要求加薪,  這人一係就是工會人,  只是"為民請命"的心態, 否則就是那些"穩定工作"的人. 

一個人的收入增加如果只是取決於外在環境,  這人的生活也只是取決於外在環境而已.