貪字得個貧第四集

貪字得個貧系列

呢一篇文章系列, 係有錢人最唔願意出的文章系列, 因為出親都無好嘢, 而且, 每次出文都一定係自己的貪心/ 或是不甘心行為不能得逞, 引來更大的損失, 才會引發自己要出這一系列.... 今次, 都係衰埋同一樣嘢.....唉....


七情六慾: (七情: 喜、怒、哀、懼、愛、惡、欲。六欲：色慾、形貌欽、威信姿態欲、言語音聲欲，細滑欲、人想欲。) 人皆有之, 有錢人都係人, 當然亦不例外. 原來, 投機的事, 對有錢人來講, 更容易被這七情六慾所影響, 要加倍 "靜心".

話說今次下跌週期, 已經維持了好多日, 而有錢人的期權倉有一些 SP都已經由價外變價內, 本來有錢人都無乜所謂, 入貨咪入貨囉 (部份), 點知,屎忽痕痕見佢跌得咁上下, 又貪鬼心心加碼整返啲SP, 搏佢反彈賺得更多....

2013/06/13, 我會記得這個端午節後得第一個交易日: 把我今年上半年的期權行潤, 全部一掃光!!!!!!!!!!!!!!!!!!!!!!


這是一個非常非常慘痛的超貴價課堂 (成個MBA都讀到, 你話貴唔貴)??

都係老生常談嗰幾句:

1. 唔好賭, 真係唔好賭, ~~~~ 我今次係衰在把投機變成賭博;
2. 要有認輸的勇氣 ~~~~ 今次我就係唔認輸, 想搏反彈, 本來今個月最多打和姐, 依家輸凸晒;
3. 設定了的規則, 自己一定要堅守, 努力堅守 ~~~~ 我沒有做兩個價位外的SP/ SC, 做了價內;


之前自己講過, 提醒其他網友的守則, 今次完全自己犯晒, 底死~~~~ 十個底死..... (雖然啲錢係我嘅, 都係咁話)



還好, 有一樣嘢係, 我慶幸自己個底厚, 也慶幸斬得切, 無玩死自己. 今次跌錢, 就是將今年期權的利潤還出去了... 從新上路, 我還有很多年的路要行呢....

另外, 跌得咁多, 緊係慢慢睇慢慢揀, 買正股 ~~~ 依家盈富 3.08%息率, 中移動 4.5%, 中電 4.1%, 太多太多, 不能盡錄....

但是, 我唔會出手, 因為覺得未夠平吧.... 反正我手上的股票, 息率比依家更高, 這方面, 我唔會急

~~~~ 說來奇怪, 小弟對待股票的 "忍功", 比對待期權的功力高出很多 ~~~~


共勉之