1098 路勁的美麗

1098 路勁的美麗

 

睇返記錄, 有錢人對上一次講1098路勁, 原來都有10年前, 當時股價7蚊, 依家10.8

 

派息方面, 呢10年間, TOTAL 派息6.96….

如果當年7蚊買入BUY & HOLD, 即係收息100% + 賺價55%....即是大約複利9.8%, 

 

咁現價1098仲值唔值得買入呢….. 睇睇數… 你會睇到…路勁條數一路都進步緊, 直至2019/2020就開始轉差, 同疫情絕對有直接關係吧….

 

現時收費公路項目組合包括內地五條高速公路及印尼兩條高速公路，總里程約550公里。雖然上半年日均混合車流量(包括內地及印尼項目)增加2%，但內地有接近三個月實施免收路費影響力，路費收入大減48%，至8.37億元人民幣。收費公路分部溢利僅得500萬元，大跌98.5%... 真係仆晒街….主收入無左咁滯…橙橙

因疫情令地產業務銷售暫停近兩個月….內地實現物業銷售額佔195.71億元人民幣，較去年同期減少11%

 

咁嘅成績, 今年可以都要減派息2-3成… 即係預期只有0.7-0.8….股價由2019高位約19蚊嘅10厘股, 變到依家得返10蚊左右, 都叫做反映晒D衰運…. 當你行山行到去谷底, 前路就只有上升了. 最緊要係你要確認, 你係行緊條山路, 唔係死路…

咁路勁作為佢老豆老母惠記610 & 深控604 嘅乖仔, 一有錢就會比返兩位老人家做家用, 所以成績再差都唔會唔派息嘅, 但生意真係差左, 所以就當派0.7-0.8,都叫做有返6-8厘息….. 喺依家火雞當道, 下下無錢賺嘅公司都升到倍倍聲, 呢D做生意仲要你比時間佢重回正軌嘅異類, 值唔值得買呢?

「目前他的解釋理由是這樣，至於你信不信，我反正信了」