有錢人之所有廣告收入, 將全數捐予慈善團體

2021年3月6日

1008 貴聯控股 細細粒收息股

1008 貴聯控股 成立於1990年,於2009年在港主板上市。 主要從事香煙包裝印刷;製造複合紙;製造及銷售射頻識別產品;包裝裝潢印刷品印刷、印刷技術研究與開發、包裝產品的批發及進出口等其他相關服務。


呢間公司市值只有6億幾的公司, 其實以現在香港的大公司嚟睇, 根本不值一提, 不過, 呢D煙頭公司, 有錢人都會留意一下, 小注擺下, 反正呢D細公司, 如果唔係炒股收妖股, 一般息率會比較高, 而且大部份都係家族或者自己友渣貨為主, 正常情況下都唔會有咩野玩, 但當然要承擔嘅風險, 就係會唔會轉下手賣左比財技人, 就好似 1225 隆成咁, 好地地一隻工業股, 賣左比財技人, 當年仲攪到DAVID WEBB 損晒手, 嬲到佢最後整個迷惘出嚟玩踢爆, 真係一獲熟

話說回頭, 1008貴聯都係細價股, 平平穩穩賺到錢就派息, 而一般派息都係毫幾子咁上下, 大約10%, 上年公布會少左個大客單... 講到影響埋個盈利, 所以股價一跌就去到依家幾毫子水平, 相信佢地點都會左搵右搲做返好個業績出嚟嘅, 始終, 做所刷呢D業務, 幻想就無乜的了, 但生意就一定有喺度, 睇間公司有無好好把握而已. 

對於呢間公司, 有錢人其實無乜大期望, KEEP 住年年派到10%左右息, 足矣.




沒有留言:

發佈留言