富爸爸 窮爸爸

我相信好多人都睇過《富爸爸 窮爸爸》。當時, 我的資產值是負數, 沒有物業,沒有股票, 沒有存款。每個月的收入大部份都用來"找數"... 根本就是作者的 "寫照".


一路看, 我開始去思考自己財務狀況。去思考自己的收入、支出、資產、負債對自己的影響。


書內提到一個概念 : 如果一份"資產", 會不斷要求擁有人投入金錢而沒有金錢回報的, 它不是資產, 是消費。就好似汽車, 一落地就無左一半價值, 油錢/ 牌費/ 保險/ 車場... 全部都要不斷"pump"錢落去, 這是消費, 是支出, 是負債。甚至是 "物業", 理解方式都係一樣。


書中另一個重要概念, 就係 "被動收入"同 "現金流":
"被動收入"就係唔洗做都會有的收入 ~ 好似租金收入、股息利息等等...
一個"財務自由的人", 每個月的"被動收入"一定會比 "支出"多。即係話, 一個人如果唔洗做嘢都可以個個月有錢儲 (收入大過支出)的話,呢個人就已經係"財務自由"了.


要做到此等境況, 作者比出好多建議, 當中包括:
1. 減少消費: 唔好洗無謂錢~ 唔好買過多名牌物品/ 唔好四圍蒲;
2. 努力增值, 讓自己擴闊視野~ 認識多啲有錢叻人 (唔係二世祖), 交流成功心德;
3. 増加"被動收入"~ 出租物業/ 投資股票/ 開公司;


雖然, 對於書中內容已經模糊了, 但此書對我的"鼓舞"實在很大, 尤其當我睇到書中提及有關每月現金流的時候, 我真係一把冷汗,我為自己的現況而憂慮,更為自己的未來而憂慮。及至我看到如何"行動", 我開始對自己有更明確的目標, 亦都開始 "行動"。