如果突然有一千萬比我...我會...?!

有錢人常常說要有一千萬資產"退休", 然而, 如果突然有一千萬比我... 我是否又會即時同老闆講 bye bye 然後休哉游哉乜都唔做?

有錢人有時都會以這個題目跟有錢太太討論.... 這是有關錢的問題, 也是有關人生的問題.

有錢人的目標, 是擁有一千萬資產然後 "退休", 但"退休"這個詞語是很蝦人的, 因為當中包含幾個意思:

1. 休哉游哉乜都唔做, 唔返工, 得閒去下旅行;
2. 打風流工, 鍾意做就做, 唔做就唔做;
3. 開創自己喜歡的事業 ~~~ 可能根本是不賺錢甚至是肯定蝕錢的項目;
4. 還有其他意思嗎....? (請網友代為提議)

大部份人對"退休"的睇法是 1), 因為老人家退休很多時都係以 1) 為主....又或是好似有錢爸爸般, 年幾大無人肯請, 迫住退休....正確來講, 係無得做, 唔係唔做.

有錢太太的選擇就係 2), 佢話一千萬資產, 話多唔多, 話少唔少, 夠佢食一世又唔夠佢玩一世, 而佢覺得佢依家份工又開心, 又無乜壓力, 老闆唔會迫佢做啲乜, 佢已經好風流, 只係差少少錢得閒去下旅行.... 有錢太太的"得閒"即是一年去三四次旅行喎.....

我就會選擇 3) ~~ 開創自己喜歡的事業, 雖然有錢人依家的工作都算開心, 但我好清楚自己的 "夢" 並非在這裡, 有錢人現在的工作是一個台階, 讓我做好開展夢想前的準備, 包括最重要的準備 --- $$$$ !!!

返去最開頭的題目, 如果突然有一千萬比我.... 我會:

繼續工作, 因為以我現在的經驗, 應該要做多 5-10年先可以出來 "發夢"; 拎其中 500萬做我的 "盈富基金操作計劃"; 剩餘500萬改善現有生活 ~~~ 換車換樓裝修...(後刪一百字)
~~ 最緊要開心 ~~~

如果突然有一千萬比你...你又會點...?!