做個有錢人 - 同路人的重要

有錢人在這個blog入面有時候都會提及家人, 其中, 有錢太太算是出鏡率最高的一位, 其中一個原因, 是她在我生命裡/ 生活裡的重要性, 是不下於我父母的.

『生我者父母 知我者鮑叔』


從前的我不是一個善於理財的人 (請參看舊文起步 前傳 (一) ), 更不用說甚麼賺錢天才, 生活只算是無憂但無乜為未來的打算, 幸而我有個好好的女朋友 (即是現在的有錢太太), 佢迫我儲錢, 雖不是很多.... 最初半年是每天比十元佢, 第二個半年是每天比二十元佢, 第三個半年就是每天比四十了... 當然, 佢都同我一齊儲, 而這些錢, 有一些就變成了我們的旅行基金, 有一些, 就是我們的買樓基金了。在買樓之後, 我地繼續我們的慳錢生活, 慢慢儲蓄。

有錢太太從來無怨過我唔識儲錢 (佢識咪得囉), 又無怨過我搵錢唔多 (起碼無能力供養佢唔洗做), 只是默默的支持我, 更加用漸進嘅方法誘使我儲錢.... 對我, 佢簡直係"功得無量", 我可以肯定, 如果唔係佢, 我一定無錢買樓! 有可能.... 依家都仲係 "負資產", 仲搵緊 "兄弟"、"幫人"幫我 拖數.

如果有一個人, 願意無條件地跟你捱, 同你一齊分享成果, 這已是十分幸福的事. 我就是有幸得到這樣的幸福。

在人生路上, 如果你發現有一個人, 好似有錢太太對我般對你, 記得珍而重之 ~~~ 無論, 佢係你的另一半, 朋友, 家人, 工作伙伴。