賣- 不賣 (二)

上一篇文章 "賣-不賣" 提及到賣了樓A的ALTERNATIVE, 現在就講講不同alternative的比較:

選擇有三:

1) Full-pay 一層細價樓;
2) 揸現金;
3) 買股票;
4) 其他投資....唔好意思, 未學、唔識、或者未有信心做得好!!



1) FULL PAY
     優點: 不用每個月供樓, 即是在租金收入裡頭減少了利息的支出部份; 租金收入相對地較穩定 ~~~ 經濟好或物價高時收到較高租金, 相反亦然;

      缺點: 成舊錢放左落層樓度, 流動性及現金的使用彈性降低; 沒有做樓按的槓桿投資力量;

2) 揸現金
     優點: 有彈性, 等跌價的時候可隨時入貨 (優質資產)

      缺點: 放銀行活期, 一百萬依家銀行只有0.5%唔夠, 即是等於無利息/ 無收入一樣, 但同時通漲同美元努力扁值令到錢更唔見洗....另外就係有錢人係身痕友命格, 天生留唔到錢喺身, 唔係買嘢就會洗左佢.... 風吹雞蛋穀, 財散人安樂...

3) 買股票 (主要買盈富基金)
      優點: 有股息收, 又可以升值, 以有錢人的玩法, 一般做到平均15%以上的年回報, 今天的百六萬, 跟據計劃, 15年後就有1100萬...已經做到我想要做的 "一千萬資產退休計劃"了

      缺點: 都係沒有槓桿, 也不是每個月"出糧", 除非自制"出糧股票組合"; 另外就係"老婆唔想"一年只可以收兩次錢.... 女人原來真係好需要安全感!!

= = = = = = = = =

照有錢人的性格, 就一定選方案3, 但有錢太太就會選方案1.
為了令大家的想法都得到滿足,  應該會買一層細價樓用來放租, 但只會做3-4成按揭, 令到每個月的正現金流加大, 其他的錢就用來買股票....


因為樓A一路都有租金收入, 也有正現金流, 所以根本唔急於放售... 現在的放售價是同類形單位市價上限, 仲要無樓睇, 等有心人慢慢睇, 慢慢簡, 財不入急門.